चितवन राष्ट्रिय निकुञ्ज भित्र बैकल्पिक केबुल विछ्याउने कार्य अन्तरगत रोकिएको पुरक वातावरणीय प्रभाव मुल्यांकन (इ.आइ.ए) को सम्पुर्ण कामको लिखित सहमति एक हप्ताभित्र दिन प्रधानमन्त्री पुष्पकमल दाहाल प्रचण्डले निर्देशन दिनुभएको छ ।
माडीको नगरप्रमुख, उपप्रमुख, विभिन्न राजनैतिक दलका प्रतिनिधि सहित प्रधानमन्त्री कार्यालय सिंहदरबारमा भएको एक प्रतिनिधिमण्डलसंगको भेटमा प्रधानमन्त्री पुष्पकमल दाहाल प्रचण्डले पुरक इ.आइ.ए को एक हप्ताभित्र लिखित सहमती दिन बैठकबाटै सो निर्देशन दिनुभएको हो ।
त्यस्तै, चितवन राष्ट्रिय निकुञ्ज भित्र विछ्याइएको भुमिगत लाइनमा पटक पटक समस्या आउँदा माडीबासिले खेप्नुपरेको समस्यालाई मध्यनजर गर्दै भोलिबाटै काम सुरु हुनेगरि निकुञ्जभित्रको ८ किलोमिटर भुमिगत लाइनमा छिटो फल्ट पत्ता लगाउन मिल्नेगरि ३ वटा राइजिङ पोल गाड्न वन मन्त्रालयले सहमति दिइ निकुञ्जका प्रमुख संरक्षण अधिकृतलाई सहजीकरण गर्न निर्देशन समेत दिनुभएको हाे ।
त्यस्तैगरि, चितवन राष्ट्रिय निकुञ्जभित्र कालोपत्रे सडक निमार्ण गर्न प्रधानमन्त्री स्वयंले युनेस्कोसंग परामर्श गरि कार्यप्रकृया अगाडी बढाउन समन्वय गर्नुहुने भएको हाे । साथै माडीको हनुमानझुलामा बिजुलि विस्तार गर्न आवश्यक काम अविल्म्ब सुचारु गर्न समेत उहाँले निर्देशन दिनुभएको जनाइएको छ ।
#PRD810107