माडी-७ देवेन्द्रपुरस्थित शनि मन्दिरमा शनि जयन्ती मेला एवं साँस्कृतिक कार्यक्रम सञ्चालन हुने भएकाे छ । यहि जेष्ठ २४ गते बिहीबार परेको शनि जयन्तीको अवसरमा साँस्कृतिक कार्यक्रम संगै प्रत्यक्ष दोहोरी र खुला भजन प्रतियोगिता समेत सञ्चालन हुनेछ ।

कार्यक्रममा गायक प्रदीप त्रिपाठी र गायिका बिन्दु कार्किले प्रस्तुति दिनुहुने शनि मन्दिर व्यवस्थापन (दक्षीण साेमेश्वर कालिका धार्मिक) समितिका अध्यक्ष एवं युवा पण्डित सुदर्शन सुवेदिले जनाउनुभयाे ।

शनि मन्दिरमा हरेक वर्षजसाे  शनि जयन्तिकाे अवसरमा विभिन्न साँस्कृतिक कार्यक्रम एवं मेला उत्सव लाग्ने गरेकाे छ । माडीकाे महत्वपूर्ण धार्मिक क्षेत्र शनि मन्दिरमा हरेक शनिबार सयाैंकाे संख्यामा धर्मावलम्बी एवं दर्शनार्थीहरू पुग्ने गरेका छन् । #PRD810220