पारदर्शी सम्बादाता

चितवन, असार ३०

श्रीकृष्ण कृपाधाम देवघाट ५ तनहुँमा आउँदो श्रावण १० गतेदेखि भदौ १० गते कृष्णाजन्मष्टमीसम्म बृहत प्रवचन हुने भएको छ ।

नेपालकै प्रथम भागवत वाचिका सादवी श्री १०८ तारा माताजीबाट महिनाव्यापी प्रवचनका साथै श्रीकृष्ण झुला झुलाउने कार्यक्रम सहित प्रवचन हुन लागेको हो ।

उक्त प्रवचनमा परमात्मा श्रीकृष्णको महिमा सहित उनको योगदान र महिमा वर्णन गरिनेछ । बिसं २०६३ सालमा जग्गा किनेर त्यस क्षेत्रमा सो मन्दिर निर्माण गर्न २०७५ सालदेखि सुरु गरिएको थियो । झन्डै ६ करोडको लागतमा कलात्मक गेट सहितको कलात्मक मन्दिर निर्माण गरिएको मन्दिर व्यवस्थापन समितिका उपाध्यक्ष देवराज पराजुलीले जानकारी दिनुभयो ।

उहाँका अनुसार, तत्काल बनाउनुपर्ने संरचनाहरुमा धर्मशाला, गुरुकुल पाठशाला, गोबर्दन पर्वत र मन्दिर परिसरभित्रको शुन्दरीकरण बनाउन आबश्यक रहेको पराजुलीको भनाइ छ । आबश्यक भौतिक संरचना निर्माणका लागि समेत प्रदेश र केन्द्र सरकारसंग पहल गरिएको छ । यसअघि समेत सो मन्दिरले गत फाल्गुन ७ गतेदेखि १३ गतेसम्म १०८ ब्रह्म्हवाणी, २७ भागवतको पाठपारायण समेत गराएको थियो ।

सो पाठपारायणको संकलनबाट मन्दिरको बाँकी संरचना निर्माण गरिएको हो । उक्त पारायणको उद्घाटन जगत गुरु आचार्य श्री १०८ कृष्णमणिजि महाराजले गर्नुभएको थियो । हालै हुन लागेको बृहत प्रवचनमा करिव हजारौंको संख्यामा उल्लेखनीय श्रद्धालु भक्तजनको उपस्थिति रहने मन्दिर व्यवस्थापन समितिले जनाएको छ ।