नेपालमै दोस्रो पटक एलाईभ हस्पिटल कुहिनाको जोर्नी प्रत्यारोपण गर्न सफल

पारदर्शी संवाददाता

सोमबार, भदौ २४, २०८१ मा प्रकाशित

भरतपुर १० स्थित एलाईभ हस्पिटल एण्ड ट्रमा सेन्टर प्रा.लिले नेपालमै दोस्रो पटक कुहिनाको जोर्नी प्रत्यारोपण गर्न सफल भएको छ । यसअघि बि.एण्ड बि. अस्पताल कुहिनाको जोर्नी प्रत्यारोपण गर्न नेपालमा नै पहिलो पटक सफल भएको थियो ।

विगत १३ वर्षदेखि चितवनको भरतपुरमा रही चोटपटक लागेका तथा दुर्घटनामा परेका बिरामीहरूलाई निरन्तर अस्पतालले सेवा दिदै आइरहेको हो । अस्पतालले घुँडा र कट्टीको जोर्नी प्रत्यारोपण, दुरविनबाट हुने घुँडा र कुमको अपरेशन लगायतका जटिल प्रकारका सेवाहरु समेत प्रदान गर्दै आइरहेको छ ।

बाल्यकालदेखि हातको कुहिनाको समस्याबाट प्रताडित नवलपरासीका रामशुन्दर जोशीको हाल ५६ बर्षको उमेरमा उपचार पश्चात् उहाँको समस्या हल भएको छ ।

नेपालमा दोस्रो र काठमाडौं बाहिर पहिलोपटक कुहिनोको जोर्नी प्रत्यारोपण गर्न आफूहरु सफल भएको अर्थोपेडिक सर्जन डा. अनिल भट्टराईले जानकारी दिनुभयो । बिरामी जोशी हाल न्यूरोडमा रहेको एटिडिस्टेलरी कम्पनीमा कार्यरत हुनुहुन्छ ।

अस्पतालले महिनामा १५० भन्दा बढी र बर्षमा २ हजार भन्दा बढी दुर्घटनाबाट हुने चोटपटक तथा मेरुदण्डको अपरेशन घुँडा र कट्टी जोर्नीको प्रत्यारोपण जस्ता कार्यहरू गर्दै आएको अस्पतालका प्रमुख डा. प्रमोद लामिछानेले बताउनुभयो ।

कट्टी र घुँडाको जोर्नी प्रत्यारोपण नियमितरूपमा हुँदै आएको भएपनि अहिलेसम्म कुहिनाको जोर्नी प्रत्यारोपण नेपालमा नभएको डाक्टरहरु बताउँछन् । यही भदौ १६ गते आइतबार कुहिनाको जोर्नी प्रत्यारोपणका लागि आएका बिरामी राम शुन्दर जोशी निको भएर घर जान लागेपछि डाक्टर र उनको परिवार खुशी भएका हुन ।

यस उपचार विधि नेपालमा भित्रिनाले हाडजोर्नी तथा नशा रोगको उपचारमा एक नवीन प्रविधिको सुरुवात भएको छ । अब कुनै पनि बिरामीले कुहिनोको दीर्घ समस्या लिएर बस्नुनपर्ने अर्थोपेडिक डा. भट्टराईको भनाइ छ ।

भविष्यमा आउन सक्ने सम्भावित चोटपटक, दुर्घटना र हाडजोर्नीको उपचारमा अरू थप नयाँ प्रविधिसहित समायानुकूल उपचार सेवामा समेत बिस्तार गर्ने अस्पतालले जनाएको छ । अस्पतालले हाडजोर्नी सम्बन्धि विभिन्न प्रकारका सेवाहरु दिदै आइरहेको छ ।

सोमबार, भदौ २४, २०८१ मा प्रकाशित

भर्खरै

‘मन्द मुस्कान’ उपन्यास : प्रेम, पीडा र मौन अनुभूतिको गहिरो यात्रा

रैथाने स्वाद र स्थानीय उत्पादनको संगम बन्दै ‘सि.जी. अर्गानिक भान्सा घर’

आरम्भ कलेजले डिग्रीसँगै सपनालाई आकार दिने सीप सिकाउँदै

भूमिसम्बन्धी समस्या समाधान गर्न तीनै तहको सरकार जिम्मेवार हुनुपर्छ’

शिक्षामा राज्यको लगानी अझै बढाउन आवश्यक छः मन्त्री पोखरेल

बक्यौता असुलीमा भरतपुर खानेपानी बोर्ड आक्रामक, डेढ करोडभन्दा बढी उठ्यो

भूमिसम्बन्धी समस्या समाधान सरकारको उच्च प्राथमिकतामा छः मन्त्री रावल

बाढीबाट जोगिन पूर्वतयारी गर्न कालिका नगरपालिकाको आग्रह

गाडी चढ्ने सपना अधुरैः राष्ट्रिय सडक सञ्जालसँग नजोडिएको मुगुमकार्मारोङ

लोकप्रिय समाचार