पाल्पाको तानसेनस्थि बार्बरी भिलेजमा नेपालको भारतको साँस्कृतिक समन्वय हुनेगरि रात्रिकालिन साँस्कृतिक कार्यक्रम भव्यतापुर्वक सम्पन्न भएको छ ।
लुम्बिनी मेडिकल कलेज शिक्षण अस्पतालका विद्यार्थीहरु र एम.बि.बि.एस १५ औं ब्याचका विद्यार्थीहरुको आयोजनामा गत शनिबार साँस्कृतिक कार्यक्रम सम्पन्न भएको हो । कार्यक्रममा नेपाल र भारतीय संस्कृतिको समन्वय हुनेगरि राष्ट्रियस्तरका ख्यातिप्राप्त हाँस्यब्यङग्य कलाकार आदर्श मिश्र, डिजे समी र निश्चय ब्याण्डको साङिगतीक प्रस्तुतिले करिब क्याम्पसका विद्यार्थी, शिक्षक र नर्सिङका विद्यार्थी र एम.बि.बि.एस. अध्ययनरत विद्यार्थी र डाक्टरहरु सहित करिब ५०० जनाले भरपुर मनोरञ्जन लिनुभयो ।
त्यस्तै, नेपाली, मैथीली, भोजपुरी, थारु लगायतका राष्ट्रिय पोशाकमा सजिएर नेपाली र भारतीय परिकारहरु समेत व्यवस्था रहेको थियो ।
लुम्बिनी मेडीकल शिक्षण अस्पतालका प्रमुख गोपाल बहादुर पोख्रेलको प्रमुख आतिथ्यतामा सम्पन्न कार्यक्रममा कलेज सञ्चालक समितिका पदाथीकारीहरु, प्राध्यापक शिक्षक लगायतको उपस्थिती रहेको थियो ।