माडीमा मुख्य तीन राजनैतिक दलका छुट्टाछुट्टै स्मृति पार्कहरु निमार्ण भएका छन् भने केहि निर्माणको चरणमा छन् ।
माडी–६ लक्ष्मिनिवासमा रहेको पुष्पमदन स्मृति बाटिका नेकपा एमालेका नेता मदन भण्डारीको अस्तुलाई देशका विभिन्न स्थानमा विसर्जन गर्ने एमालेको निर्णयअनुसार माडीको लक्ष्मिनिवासमा वि.सं. २०५० सालमा अस्तु विसर्जन गरि समिको रुख रोपिएको थियो । त्यसपछि उक्त स्थललाई आन्तरिक तथा बाह्य पर्यटकहरुको चहलपहल बढाउने उद्धेश्यले २०५४ सालमा भ्यु टावर निमार्ण गरियो । त्यससंगै, पिकनिक स्पट, बाल उधान, आकाशे कुर्चि, जहाज पिङ निर्माण भएसंगै दैनिकजसो पर्यटकहरु पुष्पमदन स्मृति बाटिका पुग्ने गरेका छन् ।
त्यस्तै, माडी नगरपालिका ४ सितलपुरमा निमार्ण भएको एकता स्तम्भ समेत अर्को पर्यटकिय गन्तब्य बन्न सक्छ । वि.सं. २०४८ सालमा तत्कालिन नेपाल कम्युनिष्ट पार्टीका नेताहरु निर्मल लामा, रूपलाल विश्वकर्मा, दिवाकर भुषाल, पुष्पकमल दाहाल प्रचण्ड, डाक्टर बाबुराम भट्टराई लगायतका नेताहरुको उपस्थितीमा सितलपुरमा एकता महाधिवेशन भएको स्मरणमा एकता स्तम्भ निमार्ण भएको हो ।
तर एकता स्तम्भमा हालसम्म करिब डेढ करोड खर्च भैसकेपनि त्यसले अझै पुर्णता पाउन सकेको छैन । एकता स्तम्भको प्रचारप्रसार गर्न त्यहाँ बाटिका निमार्ण गर्ने, प्रतिमा स्थापित गर्ने र पर्यटकहरुलाई आर्कषण गर्ने गरि थप काम अघि बढाउने भनिएतापनि नेपाल कम्युनिष्ट पार्टि (माओवादि केन्द्र) का नेतृत्व वर्गको विशेष चासो नपुग्दा अग्लो पर्खाल भित्रको १ बिगाहा जग्गा भैंसि, बाख्रा चराउने चरन क्षेत्र बनेको पारदर्शी अलनाइनको रिपोर्टिङको क्रममा देखिएको छ ।
त्यस्तै, अर्को सम्भावित पर्यटकिय स्थल हो नेपाली काङ्ग्रेसका वरिष्ठ राजनितिज्ञ गणेशमान सिंहको स्मृतिमा बन्न लागेको गणेशमान स्मृति पार्क ।
नेपाली काङ्ग्रेसको जिल्ला कमिटि बैठकले चितवनको ७ वटै पालिकामा कम्तिमा एक स्मृति पार्क बनाउने निर्णय भएसंगै माडी–५ को ढिकुरबारीमा गणेशमान स्मृति पार्क बनाउने गरि काम अघि बढेको हो ।
गणेशमान सिंहको २८ औं स्मृति दिवसको अवसरमा गत असोज २ गते उक्त पार्कको उद्धघाटन भएको हो । पार्कमा, सचिबालय बनाउने देखि, आन्तरिक तथा बाह्य पर्यटकहरको चहलपहल बढाउने गरि योजना बनाइ काम अघि बढाइने नेपाली काङ्ग्रेस माडी नगर सभापति कोमलनाथ भुषालले बताउनुभयो । गणेशमान स्मृति पार्कको विषयमा पारदर्शी अनलाईनले ६ महिना पछि पुनः विशेष रिपोर्टिङ गर्नेछ ।
माडीका यी तीनवटै स्मृति पार्कले माडीको पर्यटन प्रर्वद्धनमा मुख्य भुमिका खेल्दछन् । निमार्णाधिन पार्कलाई व्यवस्थित र सम्पन्न गर्नसके स्मृति पार्कको प्रचारप्रसार संगै पर्यटन प्रर्वद्धनमा समेत टेवा पुग्दछ । भने, निमार्ण सम्पन्न भैसकेका पार्कलाई थप व्यवस्थित गरि नयाँ नयाँ अवधारणा अनुसार विकास गर्नसके माडी सबैको गन्तब्य बन्नेछ । #PRD810705 #SmritiPark