माडी नगरपालिका – ८ को धनलक्ष्मी छहरासम्म पुग्न पैदलमार्ग निर्माण हुने भएकाे छ ।
दुइखाेलाे दाेभान र धनलक्ष्मी छहरामा आन्तरिक तथा बाह्य पर्यटकको चहलपहल बढाउन पैदलमार्ग निर्माणकाे लागि वुधबार दुरि मापनका साथै प्रारम्भिक अध्ययन अवलाेकन (सर्भे) गरिएकाे छ । जसकाे लागि माडी नगरपालिका वडा नं. ८ ले रू. १० लाख बजेट विनियाेजन गरेकाे हाे ।
बैकुण्ठधाम पूजा तथा मेला व्यवस्थापन मुल समिति, माडी नगरपालिका वडा नं. ८ काे इन्जिनियर सहितकाे प्राविधिक टाेलि, स्थानिय युवा र पारदर्शी अनलाइनकर्मी सहित गएकाे टाेलिले धनलक्ष्मी छहरामा सर्भे एवं स्थलगत अवलाेकन गरेको छ ।
धनलक्ष्मी छहराकाे लागि थप विकास गर्न संघिय सांसद विक्रम पाण्डेले समेत अवलाेकनकाे इच्छा व्यक्त गर्नुभएकाे र बागमती प्रदेश सांसद ठाकुरप्रसाद ढकालले समेत त्यसकाे प्रवर्दनमा चासाे देखाउनुभएकाे माडी-८ का वडाध्यक्ष विरेन्द्र भण्डारीले बताउनुभयाे । आफ्नाे कार्यकाल भित्र धनलक्ष्मी छहरासम्म पुग्ने पैदलमार्ग निर्माण गरेर माडीकाे नयाँ पर्यटकिय गन्तब्यकाे रूपमा विकास गरेरै छाड्ने वडाध्यक्ष भण्डारीले प्रतिवद्दता जनाउनुभयाे ।
माडीको महत्वपुर्ण पर्यटकिय स्थल बैकुण्ठ तालबाट करिब २५ मिनेटको पैदल यात्रापछि मनमोहक भिर देख्न सकिन्छ । त्यस्तै, सोहि दिशामा दक्षीणतर्फ दुइ खोलिको दोभान आउँछ । अविरल बगिरहेको पानी र सुन्दर प्राकृतिक क्षटाले मन नै अल्लादित तुल्याउँछ । Birendra Bhandari पारदर्शी अनलाइन डटकम #PRD810806