चितवन राष्ट्रिय निकुञ्ज भित्रको सडकखण्ड ढलान गर्न प्रधानमन्त्रि केपी शर्मा ओलिले मन्त्रिस्तरमा निर्देशन दिनुभएको छ ।
माडी नगरपालिकाको नगरप्रमुख ताराकुमारी काजी महतो, नगर उप प्रमुख खेम प्रसाद महतो सहित सत्तारुढ नेपाली कांङ्ग्रेस र एमालेका नेताहरुसहित काठमाडौं पुगेको प्रतिनिधिमण्डल संगको छलफलमा प्रधानमन्त्री ओलीले सो निदेर्शन दिनुभएको हो ।
उहाँले, निकुञ्ज भित्रकाे सडकखण्डमा बैकल्पिक भुमिगत केबुल विछ्याउन राेकिएकाे प्रकृयाकाे आवश्यक स्वीकृत प्रदान गर्नसमेत निर्देशित गर्नुभएकाे बैठकमा उपस्थिति एक नेताले बताउनुभयाे ।
प्रधानमन्त्री ओलिले माडीको अयोध्याधामको जग्गा प्राप्तीको लागि आवश्यक प्रक्रिया पुर्याइ फाइल तयार गरि ल्याउन समेत माडीका जनप्रतिनिधिहरूलाई आग्रह गर्नुभएकाे नेकपा एमालेका नेता श्री प्रसाद दवाडीले बताउनुभयाे ।
प्रधानमन्त्री तथा मन्त्रिपरिषदको कार्यालय सिंहदरबारमा शुक्रबार भएको छलफलमा वन तथा वातावरण मन्त्री ऐन बहादुर शाही ठकुरी, भाैतिक पुर्वाधार मन्त्री देवेन्द्र दाहाल, उर्जा, जलश्राेत तथा सिंचाइ मन्त्री दिपक खड्का सहित केन्द्र तथा जिल्ला स्तरका नेताहरूकाे सहभागीता रहेकाे थियाे ।