सोमेश्वर माध्यामिक विद्यालय माडी-१ बरुवाको ऐतिहासिक स्वर्ण महोत्सव-२०८१ को भाेलि (शुक्रबार) भव्य समुद्धघाटन हुँदैछ ।
विद्यालयको ५३ औं वर्षको अवसरमा स्वर्ण महोत्सव समारोह अन्तरगत पौष १४ गतेदेखि निरन्तर रुपमा विविध कार्यक्रमहरु जारी छन् ।
शिक्षा, विज्ञान तथा प्रविधि मन्त्री विद्या भट्टराईले शुक्रबार स्वर्ण महोत्सवको औपचारिक रुपले उद्धघाटन गर्नुहुनेछ भने समुद्धघाटनकै दिन माडी स्तरीय मैत्रिपुर्ण शिक्षक भलिबल प्रतियाेगिताको समेत सुरुवात हुंदैछ ।
त्यस्तैगरि, पौष २७ गते मैत्रीपुर्ण शिक्षक भलिबल प्रतियोगिताको निरन्तरता, वडा नं. १ र २ का टोल टोल बिच हाजीरीजवाफ प्रतियोगिता र वृहत खुल्ला रक्तदान कार्यक्रम सञ्चालन हुनेछ ।
पौष २८ गते चर्चित लोकदोहोरी गायक पशुपति शर्माको विशेष प्रस्तुतिसंगै नाटक प्रदर्शनी, माडी नगर विद्यालयस्तरीय नृत्य प्रतियोगिता र माडीस्तरीय मैत्रीपुर्ण शिक्षक भलिवल प्रतियोगिताको समापन हुनेछ ।
पौष २९ गते सोमेश्वर माध्यामिक विद्यालयको दिक्षान्त समारोह हुनेछ भने माघ १ गते बघाैडामा हुने खिचरा उत्सव र माडी-७ रेवा त्रीवेणी धाममा सञ्चालन हुने मकर संक्रान्ती मेलाको प्रवर्द्धन स्वरुप कुनै कार्यक्रम राखिएको छैन ।
माघ २ गते वडा नं. १ र २ का टोलटोल बिच भजन प्रतियोगिता, विविध सांस्कृतिक कार्यक्रम र आन्तरिक पुरस्कार वितरण कार्यक्रम सञ्चालन हुनेछ ।
त्यस्तै, माघ ३ गते अर्थात् स्वर्ण महोत्सव मुल समारोहको दिन सम्मान कार्यक्रम तथा स्वर्ण स्मारिका विमोचन, सांस्कृतिक, भेषभुषा तथा झाँकी प्रदर्शनी हुनेछ । समाराेहकाे पुर्व प्रधानमन्त्री पुष्पकमल दाहाल ‘प्रचण्ड’ बाट समापन हुनेछ । भने साँझमा दिप प्रज्वलन समेत हुने स्वर्ण महोत्सव समारोह मूल आयोजक समितिले जनाएको छ । #PRD810925