बाटुली पोखरी वन उपभोक्ता समूह भरतपुर १३ को आज २४ औं वार्षिकोत्सव तथा १४ औं साधारणसभा सम्पन्न भएको छ ।
मध्यवर्ती क्षेत्र बिकास व्यवस्थापन समिति एवं चितवन राष्ट्रिय निकुञ्ज कसराका अध्यक्ष प्रकाश ढुंगानाको प्रमुख आतिथ्यतामा भएको कार्यक्रममा समूहका अध्यक्ष कृष्ण प्रसाद प्रसाईंको अध्यक्षता रहेको थियो ।
कार्यक्रमलाई सम्बोधन गर्नुहुँदै प्रमुख अतिथिका रूपमा रहनुभएका मध्यवर्ती क्षेत्र बिकास समिति तथा चितवन राष्ट्रिय निकुञ्ज कसराका अध्यक्ष प्रकाश ढुंगानाले वनको संरक्षणमा जोडदिनु अपरिहार्य भएको बताउनुभयो ।
हुन सक्ने सम्भावित चोरीशिकारी तथा पैठारीका घटनालाई पूर्णरूपमा निरुत्साहित र नियमन गर्नुपर्ने बताउनुभयो ।
वन जंगल तथा प्राकृतिक सम्पदाको जगेर्ना गर्दै आन्तरिक तथा वाह्य पर्यटकको संख्यामा वृद्धि गर्नुपर्ने धारणा राख्नुभयो ।
त्यस्तै उहाँले चैत बैशाखको समयमा वन जंगलमा लाग्ने डढेलो र त्यसले पार्ने असर आदिका बारेमा समेत जनस्तरमा चेतना जगाउनुपर्ने बताउनुभयो ।
कार्यक्रममा संस्थाका उपाध्यक्ष सदानन्द ढकालले स्वागत मन्तव्य राख्नुभएको थियो । यसैगरी समितिले आर्थिक बर्ष ०८१/८२ बाट ८५/८६ सम्म पञ्च बर्षिय कार्ययोजना पास गर्ने निर्णय गरेको हो । सिमसार क्षेत्रलाई व्यवस्थित र ८१/८२ मा काठ कटान आदि निर्णय गरेको बाटुली पोखरी सामुदायिक वन उपभोक्ता समूहका अध्यक्ष कृष्ण प्रसाईंले जानकारी दिनुभयो ।
कार्यक्रममा बिशिष्ट अतिथिका रूपमा चितवन राष्ट्रिय निकुञ्जका संरक्षण अधिकृत अबिनाश थापा मगर संघिय खानेपानी तथा ढल बिकास अधिकृत दिपकराज रोका रहनुभएको थियो । भने कार्यक्रमको सहजीकरण संस्थाकी सचिव तारादेबी दवाडीले गर्नुभएको थियो ।