भरतपुरमा माघ २२ देखि फाल्गुन २ गतेसम्म एचपीभी खोप अभियान संचालन हुने भएको छ ।
भरतपुर महानगरपालिकाले पाठेघरको मुखको क्यान्सर रोकथामका लागि कक्षा ६ देखि १० सम्मका किशोरीलाई एचपीभी खोप दिन लागिएको बारे आज भरतपुरमा पत्रकार सम्मेलनको आयोजना गरी जानकारी दिएको हो ।
यो अभियान माघ २२ देखि फागुन २ गतेसम्म संचालन हुनेछ । यस्तै सोहि अवधिमा विद्यालय बाहिर रहेका १० देखि १४ वर्ष उमेर समूहका किशोरीलाई खोप लगाइने भरतपुर महानगरपालिका स्वास्थ्य शाखा प्रमुख दिपक सुवेदीले जानकारी दिनु भएको छ ।
उहाँका अनुसार भरतपुरमा पाठेघरको मुखको क्यान्सरविरुद्ध हालसम्मकै सबैभन्दा ठूलो अभियान हो । यो खोप सुरक्षित र प्रभावकारी समेत भएको उहाँले बताउनुभएको छ ।
हाल चीनमा तयार गरिएको सिकोलिन नाम एचपिभि खोप देशभरी नै लगाउन लागिएको र ‘यो खोप एकदमै सुरक्षित तथा प्रभावकारी रहेको समेत बताउनु भएको छ । यस खोप एक डोज लगाए पुग्ने उहाँले बताउनु भयो ।
अभियान सफल कार्यान्वयनका लागि महानगरले यहाँका सबै विद्यालय र विद्यालयमा सकिएपछि अन्तिम दिनमा सम्बन्धित वडाका स्वास्थ्य संस्थामा खोप केन्द्र सञ्चालन गरिनेछ ।