रोटरी क्लब चितवनले प्रजातन्त्र दिवसका अबसरमा जेष्ठ नागरिकहरुको मुटु जाँच गरि मनाएको छ ।
रोटरी पुननारायण उजेलिदेबी कार्डियाक केयर सेन्टरमा आयोजित कार्यक्रम मा प्रमुख अतिथि रोटरी डिस्ट्र्यिक ३२९२ का असिस्टेन्ट गभर्नर हरि प्रसाद सुबेदीले रोटरी अन्तरास्ट्रिय रुपमा नै स्वस्थ्य सम्बन्धी धेरै कार्यक्रमहरु चलाइरहेको जनाउदै जेष्ठ नागरिक हरुमा हुने मुटु सम्बन्धि समस्या समाधानमा लागेको जानकारी दिनुभयो ।
रोटरी क्लब चितवनका अध्यक्ष भानु शर्माले रोटरी क्लब चितवनले प्रजातन्त्र दिवसको उपलक्ष्यमा जेष्ठ नागरिकहरुको स्वास्थ्य मुटुका लागि जागरण अभियान चलाएको जानकारी गराउदै वृद्ध अबस्थामा अझ चनाखो र जीवन सकृय पार्न स्वस्थ मुटुका लागि परिक्षण कार्यक्रमको सुरुवात गरेको जानकारी दिनुभयो ।
मुटु परिक्षणमा गैंडाकोटबाट आउनुभएका २० जना जेष्ठ नागरिक हरुको बरिस्ठ मुटु रोग विशेषज्ञ डा. मनोज श्रेष्ठ लगायतका स्वास्थ्यकर्मीले मुटुको भिडियो एक्सरे इसिजी, सुगर जाँच, ब्लड्प्रेसर एवं अन्य जाँच गर्नुभएको थियो ।
कार्यक्रममा रोटरी क्लबका सर्भिस प्रोजेक्ट चेयर डा. मनोहर प्रधानले मुटु स्वास्थ्य बारे भनाइ राख्नु भएको थियो । कार्यक्रमको संचालन निर्बाचित अध्यक्ष रामचन्द्र अधिकारीको अध्यक्षतामा भानु शर्माले गर्नुभएको थियो । कार्यक्रममा जनक ढकाल, रुपक श्रेष्ठ लगायतका रोटरीयनहरुको उपस्थिति थियोे ।