सरिता इभेन्सकी अध्यक्ष सरिता आचार्यले आफ्नो जन्मदिनका अबसरमा दृस्टीबिहिनका लागि मृत्युपछि आँखा दान गर्ने घोषणा गरेकी छन् ।
माडी नगरपालिका ७ जगन्नाथपुरी निवासी आचार्य अहिले हाल भरतपुर ४ धर्मचोकमा बस्दै आउनुभएको छ । १ देखि ५ कक्षा सम्म जगन्नाथपुरीमा रहेको बालकल्याण आधारभूत विद्यालयमा अध्ययन गरि आचार्य ६ देखि एसएलसी जन जीवन मावि खरकट्टाबाट गर्नुभएको हो । उच्च शिक्षा माडी क्याम्पसबाट आचार्यले ६९ मा हासिल गर्नुभएको थियो ।
सानै उमेरदेखि सामाजिक क्षेत्रमा सकृय आचार्य विभिन्न संघसंस्थामा आबद्ध हुनुहुन्छ । ३ बर्ष ल्याब टेक्निसियन नारायणी सामुदायिक हस्पिटल (एन.पि.आइ) बाट पास गरि (एन.आर.एल) चितवन प्याथोलोजी ल्याबमा बिगत केही बर्ष काम गरि सन् २०१३ देखि इभेन्ट म्यानेजमेन्ट गर्दै उहाँ अहिले सरिता इभेन्ट संचालन गर्दै आउनुभएको छ ।
उहाँले यही फागुन १९ गते आफ्नो जन्मदिनमा दृष्टिबिहिन ब्यक्तिहरुका लागि उज्यालो संसार देखाउनका लागि आफ्नो आँखा दान गर्ने भएकी हुन् । आँखा दानसंगै भरतपुरको ब्लड बैंकमा बल्ड डोनेसन समेत गर्नुभएको थियो ।
सोहीदिन मञ्जुश्री असाहाय संरक्षण केन्द्रमा एकदिनको भोजन समेत खुवाउनुभएको थियो ।