दिवाकर स्मृति बहुप्राविधिक शिक्षालयले निशुल्क प्राविधिक शिक्षा तथा व्यावसायिक तालिम संचालन गर्ने भएको छ ।
माडी ६ हरिनगरमा अबस्थित सो विद्यालयले निशुल्क तालिमका लागि आबेदन फारम खुलाएको हो ।
प्राविधिक शिक्षा तथा व्यवसायिक तालिम परिषद् अन्तर्गत सामाजिक विकास मन्त्रालय, प्रदेश प्राविधिक शिक्षा तथा व्यवसायिक तालिम परिषद्, हेटौडा, मकवानपुरको आ.व. २०८१/८२ को स्वीकृत बजेट तथा कार्यकमको परिधि भित्र रहेर २०।२० जनाको समूहमा ३९० घण्टा अर्थात् ६५ दिन तालिम प्रदान गरिनेछ ।
४० जना नेपाली नागरिकलाई निशुल्क दिइएने छोटो अवधिको तालिममा विल्डिङ् इलिक्ट्रिसियन, केयर गिभर जस्ता तालिम प्रदान गराइने शिक्षालाय प्रमुख राजन नेपालीले जानकारी दिनुभयो ।
तालिममा कक्षा ५ उत्तिर्ण भएकाले सहभागीता जनाउन सक्ने नेपालीको भनाइ छ ।
यसैगरी १६ वर्ष पुरा भई ४० वर्ष उमेर ननाघेको नेपाली नागरिक, सम्बन्धित व्यवसायको पाठ्यकमले तोकेको योग्यता पुगेको, यसअघि तालिम लिई व्यवसायमा राष्ट्रिय सीप परीक्षण समितिबाट योग्यताको सर्टिफिकेट नभएको, प्रशिक्षार्थी तालिम अवधिभर कम्तिमा ९० प्रतिशत हाजिर हुनु पर्ने प्रावधान राखिएको छ । र अन्तर्वार्ताको लागि शिक्षालयले पछि समय निर्धारण गर्ने जनाइएको छ ।