चितवन उद्योग संघका संस्थापक पूर्व अध्यक्ष डिलबहादुर ताम्राकारले औद्योगिक क्षेत्रमा प्रचुर सम्भावना भएको बताउनुभएको छ ।
पारदर्शी संवादमा संक्षिप्त कुराकानी गर्नुहुँदै ताम्राकारले सो कुरा बताउनुभएको हो ।
उद्योगका लागि चाहिने कच्चापदार्थ, स्रोत साधनको व्यवस्था राज्यले गराउनुपर्ने धारणा राख्नुभयो ।
स्वदेशमा उत्पादित बस्तुहरुले अझैपनि राम्रो बजार मूल्य नपाएको स्मरण गर्दै उहाँले बजारीकरणको व्यवस्था उत्पादित बस्तुको बजार मूल्यमा एकरुपता ल्याउनुपर्ने बताउनुभयो ।
बिदेशमा उत्पादन भएका तरकारी, माछा, केरा लगायतका अन्य सामग्रीको आर्यात बढ्दा स्वदेशी बस्तु तथा सामाग्रीले स्थान नपाएको गुनासो पोख्नुभयो ।
अव्यवस्थित बजारीकरण, प्रतिस्पर्धा, सामाग्रीको गुणस्तर मापन नहुनु, बढ्दो युवा शक्ति पलायन हुनु र आर्थिक संकट आदिका कारण नेपालको बजार फस्टाउन नसकेको जिकिर गर्नुभयो ।
स्वदेशमा उत्पादित बस्तुको माग बढाउन आजैदेखि स्थानीयस्तर बाट गृहकार्य अगाडि बढाउनुपर्ने तर्क गर्नुभयो ।
बढ्दो बिदेश पलायनलाई रोक्न स्वदेशमा नै रोजगारीको व्यवस्था गराइनुपर्ने उहाँको भनाइ थियो । कृषि कर्म गर्न चाहने युवाहरुलाई सहुलियतपूर्ण ऋणको व्यवस्था राज्यले गर्नुपर्ने सुझाव राख्नुभयो ।