गंगानगर दुग्ध सहकारी संस्थाका अध्यक्ष कृष्ण प्रसाद सापकोटाले डिडिसीबाट झन्डै डेढ करोड रकम उठ्न बाँकी रहेको बताउनुभएको छ ।
पारदर्शी संवादमा संक्षिप्त कुराकानी गर्नुहुँदै सापकोटाले सो कुरा बताउनुभएको हो । स्वदेशी बस्तुको उत्पादन र प्रबर्द्धनमा राज्यले जोडदिन नसकेको आरोप लगाउनुभयो ।
स्वदेशी बस्तुको उत्पादन र प्रयोग बढेमा मात्रै आत्मनिर्भर बन्न सकिने धारणा राख्दै उहाँले किसानलाई सहुलियतपूर्ण ऋणको व्यवस्था गर्नुपर्ने बताउनुभयो ।
दक्ष जनशक्तिको अभावमा थुप्रै खेतीयोग्य जमिन बाँझै रहेको सापकोटाले उल्लेख गर्नुभयो । अधिकांश मानिसहरु अझैपनि निर्वाहमुखी कृषि क्षेत्रमा भएको स्मरण गर्दै व्यवसायीक कृषि प्रणालीमा जोड दिनुपर्ने तर्क गर्नुभयो ।
आफू हाल कार्यरत रहेको गंगानगर दुग्ध सहकारीमा वार्षिक दूध, मोही, घ्यु, नौनी, बटर, पनिर, खुवा, पेडा गरि झन्डै ५० लाखको आम्दानी हुने गरेको बताउनुभयो ।
सो सहकारीमा ३२ जना कर्मचारी आफ्नै नमुना गाई फार्म दैनिक २ सय लिटर दूध आफ्नै ३ वटा र ४ वटा गाडी गरि ७ वटा गाडी ढुवानीका लागि संचालनमा रहेकोे जानकारी दिनुभयो । हालसम्म उहाँले २५ दिनसम्मको दूधको भुक्तानी पाउन बाँकी रहेको गुनासो पोख्नुभयो ।
उत्पादित दुग्धजन्य पदार्थको बजारीकरण गोरखा, चितवन, डुम्रे, बन्दीपुर, कुरिनटार, सौराहा, माडी, र गोलाघाट लगायतका विभिन्न जिल्ला तथा क्षेत्रहरुमा हुने गरेको बताउनुभयो । उक्त सहकारीमा हालसम्म ६ सय जना भन्दा बढी शेयर सदस्य रहेका छन् ।
गंगानगर दुग्ध सहकारी संस्था भरतपुर २२ मा अबस्थित छ । झन्डै ६ सय भन्दा बढी शेयर सदस्यहरु रहेका छन् ।