स्वास्थ्य तथा जनसङ्ख्यामन्त्री प्रदीप पौडेलले सरकारी अस्पताललाई स्वास्थ्य बिमा कार्यक्रम रोक्ने अधिकार नभएको बताउनुभएको छ ।

भरतपुर अस्पतालमा पत्रकारहरुसँग संक्षिप्त कुराकानी गर्नुहुँदै पौडेलले सो कुरा बताउनुभएको हो ।

त्यस्तै उहाँले बिमा कार्यक्रम रोक्ने अधिकार सरकारी अस्पताललाई नभएको समेत स्पस्ट पार्नुभयो । कसैले बिमा कार्यक्रम रोकेको भए दर्ता नवीकरण नहुने उल्लेख गर्दै मन्त्री पौडेलले कार्यक्रम वापतको दाबी भुक्तानी बिमा बोर्डले छिट्टै फरफारक गर्ने जानकारी समेत दिनुभयो ।

उहाँले सामाजिक सुरक्षा कोष, सञ्चय कोष, नागरिक लगानी कोष, नेपाली सेना एवं नेपाल प्रहरीको परिवार कल्याणकारी कोषले गर्दै सञ्चालन गर्दै आएको बिमा कार्यक्रमलाई एकीकृत प्रणालीमा ल्याउन आवश्यक भएको बताउनुभयो ।