सेवा र विकासका लागि युवाको समन्वय र ओरेगन नेपाली समाज अमेरिकाको आर्थिक सहयोगमा नवलपुर गैडाकोटमा रहेको श्री जनक नमुना माध्यमिक  विद्यालयमा कक्षा ९ मा अध्ययनरत छात्रा  सुश्री स्मृति राउत थारु र सुश्री करिना बिश्वकर्मालाई छात्रवृत्ति प्रदान गरिएको छ ।

कार्यक्रमा सेवा र विकासका लागि युवाका राष्ट्रिय अध्यक्ष डा. देबेन्द्र कंडेल प्राज्ञिक बिद्यार्थी परिषद नेपालका गण्डकी प्रदेश संगठन सचिव नारायण प्रसाद तिमिल्सिना नुतन सेवा र विकासका लागि युवाका राष्ट्रिय संयोजक प्रकाश कुमार र सोही विद्यालयका प्राचार्य चुरामणी शर्मा कंडेलको उपस्थिति थियो ।

कार्यक्रममा बोल्दै सेवा र विकासका लागि युवाका अध्यक्ष देबेन्द्र कंडेलले विद्यार्थी देशका गहना र भबिष्यका कर्णदार भएको बताउनुभयो ।

तसर्थ आजका विद्यार्थी नानीबाबूलाई सहयोग गर्नु हामी सबैको साझा कर्तव्य भएको प्रष्ट पार्नुभयो ।

त्यस्तै सेवा र विकासका लागि युवाका राष्ट्रिय संयोजक प्रकाश कुमार शर्माले यिनै विद्यार्थी भाइबहनिहरु नै भोलि नेपालको हरेक क्षेत्रमा गएर काम गर्ने हुन त्यसकारण आजबाटै यिनिहरुलाई संस्कारयुक्त शिक्षा दिनुपर्ने जिकिर गर्नुभयो ।