माडी नगरपालिकाले करार सेवामा कार्यरत कर्मचारीहरुलाई स्थायी कर्मचारी सरह तलबमा १० प्रतिशत कट्टी गरि सोही बराबरको रकम थप गरि सञ्चय कोषमा भुक्तानी गरेको छ ।

महालेखा परिक्षकको कार्यालयले हालैमात्र सार्वजनिक गरेको गत आर्थिक वर्ष (२०८०/८१) को अन्तिम लेखापरिक्षण प्रतिवेदन अनुसार माडी नगरपालिकामा स्थानिय सेवा (गठन तथा सञ्चालन) ऐन विपरित करारका कर्मचारीहरुलाई सञ्चय कोष र महंगी भत्ता भुक्तानी गरिएको हो ।

नगरपालिकामा स्विकृत दरबन्दीमा कार्यरत करार सेवाका कर्मचारीहरुलाई मासिक खाइपाइ आएको तलबमा १ महिना बराबरको पर्व खर्च र पोशाक खर्च रु. १० हजार मात्रै पाइने व्यवस्था भएपनि नगरपालिकाले ऐन विपरित भुक्तानी गरेको सञ्चय कोष र महंगी भत्ता बापतको १४ लाख २५ हजार १९८ रुपैयाँ असुल गर्नुपर्ने (फिर्ता गर्नुपर्ने) उल्लेख गरिएको छ । #PRD820228