माडी नगरपालिकाले चालू आर्थिक वर्ष (२०८२/८३) को लागि ९२ करोड ६६ लाख ८८ हजार ५४९ रूपैयाँ ९७ पैसा बजेट विनियोजन गरेको छ ।
माडी नगरपालिकाको १५ औं नगरसभामा नगर उप–प्रमुख खेम प्रसाद महतोले वजेट वक्तव्य मार्फत नगरको चालू आर्थिक वर्षको वार्षिक बजेट सार्वजनिक गर्नुभएको हो ।
प्रक्षेपित बजेटका लागि संघिय सरकारबाट प्राप्त हुने अन्तरसरकारी वित्तिय हस्तान्तरण तथा राजश्व बाँडफाँडबाट रु. ६२ करोड ७८ लाख २२ हजार ३०४ अनुमान गरिएको छ भने प्रदेश सरकारबाट प्राप्त हुने अन्तरसरकारी वित्तिय हस्तान्तरण तथा राजश्व बाँडफाँडबाट रु. १६ करोड ४७ लाख २३ हजार १४० रुपैयाँ २९ पैसा आम्दानि हुने अनुमान गरिएको छ । त्यस्तै, नगरको आन्तरिक आय रु. १३ करोड ४१ लाख ४३ हजार १०५ रुपैयाँ ६८ पैसा प्रक्षेपण गरिएको छ ।
माडी नगरपालिकाले चालु आर्थिक वर्षमा नीति तथा कार्यक्रम कार्यान्वयनको लागि प्रस्तुत गरिएको बजेट रकम गत आर्थिक वर्षको भन्दा ४० लाख १९ हजार ८०० ले कमी हो ।
#PRD820310