माडीकाे भैरवपुरमा एक गैँडा मृत अवस्थामा फेला परेको छ ।

माडी नगरपालिका–२ भैरवपुरस्थित हरिभक्त श्रेष्ठकाे खेतनजिकैकाे स्थानमा आज (साउन २१ गते) बिहान करिब १०:३० बजे उक्त गैँडा मृत अवस्थामा फेला परेकाे इलाका प्रहरी कार्यालय माडी (बरूवा) ले जनाएकाे छ ।

जंगली जनावरबाट बाली जोगाउनका लागि खेत वरिपरि ए.आई. तार (करेन्ट प्रवाह भएको तार) तारमा गैँडा अल्झिँदा मृत्यु भएको अनुमान गरिएको छ । घटनाबारे खबर प्राप्त हुनासाथ प्रहरी चौकी बरुवाबाट प्रहरी सहायक निरीक्षक अर्जुन घिमिरेको कमाण्डमा टोली घटनास्थलतर्फ खटिएको थियो ।

घटनाकाे अनुसन्धानका लागि चितवन राष्ट्रिय निकुञ्ज पाँच पाण्डव मध्यर्वती उपभाेक्ता समिति, वनकट्टा रेन्जर तथा अन्य सम्बन्धित निकायका प्रतिनिधिसहितकाे टोलि खटिएकाे जनाइएकाे छ । #PRD820421