“गौरवको आयोजना– खोरेतमुक्त सेतो माडी अभियान’’ अन्तर्गत माडीमा जलवायु–मैत्री असल पशुपालन अभ्यास तथा व्यवस्थापन सम्बन्धी दुईदिने तालिम सम्पन्न भएको छ।
माडी एकीकृत दिगो विकासका अध्यक्ष कृष्णराज अधिकारीको अध्यक्षतामा सम्पन्न भएको तालिममा माडी ६ का ४० जना कृषकको सहभागीता थियो ।
तालिममा पशुको आहार–बिहार, हेरचाह, उन्नत नश्ल प्रवर्द्धन र दुग्धउत्पादन वृद्धि सम्बन्धी विषयमा पशु विज्ञ डा. सन्तोष क्षेत्री, डा. नवराज चापागाईं, डा. श्याम खड्का र डा. हरि अवस्थीले प्रशिक्षण दिनुभएको थियो ।
नेपाल रेडक्रस सोसाइटी कल्याणपुर उपशाखाको सभाहलमा सम्पन्न कार्यक्रम राष्ट्रिय व्यवसायिक पशुपालन तथा दुग्ध उत्पादक कृषक समाज माडीले आयोजना गरेको हो।
माडी एकीकृत समावेशी दिगो विकास परियोजनाको प्राविधिक सहयोग, भैरवी दुग्ध उत्पादक सहकारीको सहआयोजना तथा चितवन जिल्ला दुग्ध उत्पादक सहकारी संघ र माडी नगरपालिकाको प्रवर्द्धन रहेको थियो।
तालिमपछि कृषकहरूले व्यवहारिक तथा सैद्धान्तिक ज्ञान सिक्ने अवसर पाएको भन्दै खुशी व्यक्त गरेका थिए ।