माडी नगरपालिका–५ ब्रह्मपुरी निवासी रक्त क्यान्सर पीडित ३३ वर्षीय नैना देवी भट्टराईको उपचारमा आर्थिक अभाव भएपछि पारिवार चिन्तामा परेकाे छ ।
करिब एक महिनाअघि रक्त क्यान्सर पहिचान भई हाल भारतको दिल्लीस्थित राजीव गान्धी अस्पतालमा उपचाररत भट्टराईको उपचारमा हालसम्म २१ लाख खर्च भैसकेकाे र अझै ५० लाख खर्च लाग्ने भएपछि आर्थिक अभाव भएको उनका श्रीमान प्रकाश भट्टराईले बताउनुभयाे ।
सामान्य परिवारकी भट्टराईकाे उपचारमा रकम अभाव भएपछि आर्थिक सहयाेग संकलन अभियान समेत सुरू गरिएकाे छ । रक्त क्यान्सरको उपचार प्रभावकारी भए छिटो निको हुने चिकित्सकहरुले बताएपछि उपचारको लागि दिल्ली लगेको उहाँकाे श्रीमानले बतनउनुभयाे ।
उहाँकाे उपचारमा सघाउन:
कुमारी बैंकको माडी शाखामा रहेको ‘नैना देवी भट्टराई बचाउ अभियान’ को खाता नम्बर १६४०३१७१६०३००००१ मा वा एनआइसी एसिया बैंकमा प्रकाश भट्टराईको नाममा रहेको खाता नम्बर १०४५७५३१६९४४६००१ मा आर्थिक सहयोग जम्मा गर्न सकिने परिवार श्राेतले बताएकाे छ ।