इन्टरनेट सेवा प्रदायकहरुले पछिल्लो समय मनपरि शुल्क निर्धारण गर्न थालेपछि नेपाल दूरसञ्चार प्राधिकरणले ध्यानाकर्षण भएको जनाएको छ ।

इन्टरनेट सेवा प्रदायकहरुले प्रतिस्पर्धा गर्न मनपरि शूल्क निर्धारण गरि सामाजिक सञ्जाल, पत्रपत्रिका तथा सम्बन्धित सेवा प्रदायकहरूको वेबसाइटहरुमा राख्न थालेपछि प्राधिकरणसँग स्वीकृति लिएर मात्र शुल्क निर्धारण गर्न निर्देशन दिएको हो ।

प्राधिकरणले एक सूचना जारी गर्दै ग्राहकसँग लिने शुल्क तथा महसुल दर दूरसञ्चार ऐन बमोजिम प्राधिकरणबाट अनिवार्य रूपमा स्वीकृत गराई ग्राहक तथा सर्वसाधारणको जानकारीका लागि सूचना प्रकाशित गरे पश्चात् मात्र लागू गर्न निर्देशन दिएको छ ।