नेकपा एमालेका महासचिव शंकर पोख्रेलले नयाँ दलकै कारण देशको अवस्था बिग्रेको टिप्पणी गर्नुभएको छ ।
आज चितवनमा नेकपा एमालेको पार्टी कार्यालयमा भएको तिहार विशेष शुभकामना आदानप्रदान तथा चियापान कार्यक्रममा बोल्नुहुँदै नेता पोख्रेलले सो कुरा बताउनुभएको हो ।
बलियो नारी शक्ति भएको देशमा नारीप्रति नै अपमान गर्ने नेतालाई नै रोज्नु ठूलो दुर्भाग्य भएको बताउनुभयो ।
साना भुइँमान्छेको रकम अपचलन गर्ने अनि गरेकै छैन भनी अदालतलाई प्रभाव पार्न रास्वपाले मान्छे उचालेको समेत आरोप लगाउनुभयो ।
देशका ठुलठुला भ्रष्टाचारका काण्डमा एमाले बाहेक अरु दलका नेताहरू नै मुछिएको बताउदै नेता पोख्रेलले निकट भबिस्यमै एमाले बाहेकका अरु नेता जेलमा रहने जिकिर गर्नुभयो ।
एमालेनै यो देशको राष्ट्रबादी र बिकासप्रेमी नेता भएको दाबी गर्दै एमालेकै सहयोगमा रवि दुईपटक सम्म गृहमन्त्री भएको उल्लेख गर्नुभयो ।
उहाँले भन्नुभयो, रविको कर्तुत र उनको गतिविधि जनताले थाहा पाउन् भनेर नै उनलाई गृहमन्त्री बनाएको र अहिले जनाताले रविका सारा वृतान्त बुझ्न पाएको समेत टिप्पणी गर्नुभयो ।
राप्रपा काँग्रेसले अरु कसैको दानबाट पार्टी कार्यालय बनाउदा भ्रष्टाचार नहुने अनि एमालेले भुकम्पले भत्किएको पार्टी कार्यालय अरु कसैको दानबाट बनाउन खोज्दा भ्रष्टाचार हुने भनी प्रश्न गर्नुभयो ।
भाटभटेनी र कोरोना लगायतका काण्डमा एमालेलाई अनावश्यक फसाउने षड्यन्त्र भएको प्रति बिरोध जनाउनुभयो ।
झापाको गिरीबन्धु टिस्टेटको जग्गामा आफूहरुको कुनै सङ्लग्नता नरहेको र कानुन नबनाई दुईबर्ष अघिदेखिबाट नै सट्टापट्टाको काम राजा ज्ञानेन्द्र र त्यसअघिबाट हुँदै आएको दाबी गर्नुभयो ।
उहाँले भन्नुभयो, हामी यो विषयमा बहस गर्न अझैपनि तयार भएको र सो जग्गालाई कानुनी प्रावधान अनुसार सट्टापटपट्टा गर्नुपर्छ भन्ने मात्र आफूहरुको माग रहेको बताउनुभयो ।
यसैगरी उहाँले सहकारीताको आन्दोलन, उत्पादनमुलक सहकारीताको उपलब्धि र न्याय सम्पादन नै एमालेको प्रमुख आधारशिला भएको बताउनुभयो ।