चितवनमा आरम्भ कलेज छोटो समयमा नै आम बिद्यार्थीको एउटै रोजाइ बन्न सफल भएको छ । आज एक कार्यक्रमकाबीच आरम्भ कलेजले होटल म्यानेजमेन्ट र आइटी अध्यन गर्ने बिद्यार्थीका लागि होटल सम्बन्धि प्रशिक्षण दिएको छ ।

होटलका क्षेत्रमा क्रियाशिल होटल व्यवसायी संघ चितवनका अध्यक्ष कृष्ण भट्टद्वारा विद्यार्थीलाई प्रशिक्षण गराएको हो । भट्टले चितवनको होटल रेस्टुरेन्टको अवस्था, सम्भावना र चुनौतीका बारेमा प्रशिक्षण दिनुभएको थियो ।

कलेजका प्रीन्सिपल सुरज शिवाकोटीको अध्यक्षतामा भएको कार्यक्रममा आरम्भ कलेजमा अध्यनरत बिद्यार्थीको सहभागीता रहेको थियो । कार्यक्रममा बोल्नुहुँदै शिवाकोटीले विद्यार्थीको रोजाइ आरम्भप्रति बढ्दै गएको जिकिर गर्नुभयो । कलेजले विद्यार्थीलाई पढ्दै कमाउदै गर्न मिल्नेगरी होटल सम्बन्धि विभिन्न तालीमहरु समेत प्रदान गर्दै आएको उल्लेख गर्नुभयो ।

व्यवस्थापन संकाय अन्तर्गतका बिआइएम र बिएचएम शैक्षिक कार्यक्रमले प्रविधि र होटल व्यवस्थापनमा विद्यार्थीहरुलाई पूर्णरुपमा योग्य, सक्षम र सफल तुल्याउने छ, उनले भने, ‘व्यावहारिक, सैद्धान्तिक र समयसापेक्ष अन्तर्राष्ट्रिय स्तरको सीप प्रक्षेपण गराई यस क्षेत्रका उद्योगहरुका लागि एक प्रमुख विकल्प बनाउने हुँदा यस संस्थाको समाजमा अलग पहिचान हुने कुरामा समेत हामी विश्वस्त छौँ ।’

१२ कठ्ठामा फैलिएको आरम्भ कलेज परिसरमा २ वटा भवन रहेका छन् । एउटा भवन निर्माण सम्पन्न भइसकेको छ भने होटल म्यानेजमेन्टको अत्याधुनिक ल्याब रहने अर्को भवन निर्माणको अन्तिम चरणमा छ । आरम्भ कलेजका सबै कक्षाकोठा र ल्याब पूर्ण वातानुकुलित छन् । कलेजमा सेमिनार हल, ल्याब र पुस्तकालय छन् । फुटसल, बास्केटबल र स्वीमिङ पुल निर्माणको योजना रहेको प्राचार्य शिवाकोटीले जानकारी दिए ।

उनले भने, ‘पढ्दै कमाउँदै भन्ने कलेजको लक्ष्य छ । अहिलेको समय सूचना प्रविधिसहितको व्यवस्थापनको हो । त्यसैले विद्यार्थीहरुसामु आरम्भ कलेज एउटा अवसरका रुपमा आएको छ ।’

व्यक्तिगत हेरविचारआरम्भ कलेजले भर्ना भएका विद्यार्थीहरुको व्यक्तिगत प्रोफाइल तयार गरेर हरेक विद्यार्थीको व्यक्तिगत क्षमता विश्लेषण गरी सोही अनुसार शिक्षा प्रदान र हेरचाहको नीति अवलम्बन गरेको क्याम्पस प्रमुख शिवाकोटी बताउँछन् ।

‘कलेजमा भर्ना भएका विद्यार्थीको व्यक्तिगत प्रोफाइल तयार गरेर विद्यार्थीका सबल पक्ष र दुर्बल पक्ष पत्ता लगाई सोही अनुसारको सहायता उपलब्ध गराउनेछौँ’ क्याम्पस प्रमुख शिवाकोटी भन्छन्, ‘हामीले आइडिया स्टुडियोसँगको सहकार्यमा आइडिया इन्कुबेसन सेन्टरको अवधारणा अघि सारेका छौँ ।

यस्तो सेन्टरबाट विद्यार्थीहरुले व्यावसायिक योजना निर्माण, व्यवसायको विकास र नयाँ व्यवसायको आइडिया ल्याउन सक्छन् ।’
यसबाहेक विद्यार्थीहरुलाई प्रत्येक महिना होटल एक्स्पोजर, औद्योगिक भ्रमण, सूचना र प्रविधिको अवलोकनलगायतका अवसर दिइने क्याम्पस प्रमुख शिवाकोटीले जानकारी गराए । कलेजमा पूर्व लोथरदेखि पश्चिम शुक्रनगर र नवलपरासी (बर्दघाट–सुस्तापूर्व) को कावासोतीसम्मका विद्यार्थी भर्ना भएको र उनीहरुलाई आवतजावतका लागि बसको व्यवस्था गरिएको उनले बताए । कलेज स्थापनाको पहिलो वर्षमै विद्यार्थीहरुको यो आकर्षणले आफूहरुलाई राम्रो गर्नका लागि थप हौसला प्राप्त भएको क्याम्पस प्रमुख शिवाकोटीको भनाइ छ ।