अपाङ्गता सशक्तिकरण तथा सामुदायिक बिकास केन्द्र -नेपाल पुतलीबजार नगरपालिका वडा नं १, स्याङ्जा ले आफ्ना गतिविधिहरु तिब्रता का साथ अगाडि बढाएको छ ।

अपाङ्गता भएका व्यक्तिहरूको प्रत्यक्ष नेतृत्व तथा संलग्नतामा स्थापित भइ अपाङ्गता मैत्री हुंदै मानवमैत्री समाज निर्माण र सामुदायिक बिकासको क्षेत्रमा कार्य गर्ने उद्देश्य लिएको उक्त संस्थाले पुतलीबजार नगरपालिका स्याङ्जा संगको साझेदारीमा त्रिभुबन आदर्श बहुमुखी क्याम्पस, स्याङ्जा बहुमुखी क्याम्पस, त्रिभुवन आदर्श नमुना माध्यामिक बिध्यालय र मातृभुमी माध्यामिक बिध्यालय गरी ४ वटा क्याम्पस/बिधालयमा अपाङ्गता सम्बन्धि सचेतना अभियान सम्पन्न गरेको छ।

कार्यक्रम बाट सामाजिक भाव भएका एवं स्वयम् सेवकको रुपमा कार्य गर्न इच्छुक १२ जना बिधार्थीहरु छनौट गरिएकाे छ। छनौट भएका स्वयंसेवकहरु, संस्थाका पदाधिकारी सदस्यहरू र अपाङ्गता अगुवा गरी २५ जना को लागि अपाङ्गता अभिमुखीकरण तथा स्वयंसेवक परिचालन कार्यशाला गत पौष १२ र १३ गते सम्पन्न भएको थियाे ।

कार्यशाला को उद्घाटन गर्दै पुतलीबजार नगरपालिका स्याङ्जाका नगर प्रमुख तुलसी राम रेग्मीले यस संस्थाको स्थापनाको छोटो समयमै धेरै महत्वपूर्ण कार्यहरु गरिरहेको बताउँदै पुतलीबजार नगरपालिकाले अपाङ्गता स्याहार भत्ता जस्ता अन्य स्थानीय तहहरूले नगरेका असल अभ्यास गरेको, सो क्षेत्रमा कियाशिल संस्था र व्यक्तिहरूको रायका आधारमा आवश्यक थप नीति निर्माण गरी कार्यान्वयनमा ल्याइने प्रतिबद्धता जनाउनुभयाे ।

कार्यक्रममा नगर प्रवक्ता मनोज पौडेल, वडा नं १ का अध्यक्ष उत्तम प्रसाद श्रेष्ठ, सामाजिक विकास कार्यालय स्याङ्जा का प्रमुख जीवन पौडेल, बरिष्ठ पत्रिकार भवानी अधिकारी लगायतका व्यक्तीहरुको उपस्थिती रहेको थियो ।