मोहनविक्रम सिंहको उपन्यास जलजलाको आज एक कार्यक्रमकाबीच चितवनमा संवाद र समिक्षा गरिएको छ ।
उपन्यासमा बिश्व जगत र नेपालका विभिन्न स्थानहरुको इतिहासका बारेमा समेत जानकारी गराइएको छ । यसैगरी विभिन्न प्रेम कहानी र उपन्यासमा फ्रान्सकी जोन अफ आर्कको बिस्तृत रुपले चर्चा गरिएको छ । उनी मात्र १७ बर्षकी युवती थिइन् ।
उनले अङग्रेजका विरुद्धमा गरेका योगदानको समेत यसमा चर्चा गरिएको छ । विश्वको सम्पुर्ण संरचना तथा जीवन र चेतनाको उत्पत्तिसंगै नेपालका थुप्रै प्रसिद्ध लेखक लक्ष्मीप्रसाद देवकोटा, पारिजात, बिपि आदिको महिमा र साहित्य क्षेत्रमा पुराएको योगदानलाई समेत कदर गरिएको छ ।
२३ बर्ष लगाएर मोहनविक्रम सिंहले लेख्नुभएको सो कृतिमा उपन्यास दुई खण्ड, ८ भाग, ७२ परिच्छेद र २७२ अङ्कहरुमा विभाजित छ । त्यसमा करिब ५ लाख शब्द, रोयल साइजमा १३२० पृष्ठ र करिब ५०० पात्रहरु छन् । उपन्यासमा विश्व धर्ती, मानव समाज र समाजको मनोबिज्ञानको अध्ययन, बिश्लेषण र बिबेचना गर्ने प्रयत्न समेत गरिएको छ ।
लेखक मोहनविक्रम सिंहले समाजको यथार्थ प्रेम कहानी, देश तथा बिदेशको परिवेश आदिलाई आफ्नो कृतिमा प्रष्ट पार्नुभएको छ । सङ्क्षेपमा उपन्यास प्रेमको कथा र विश्वको दर्शन भएको समेत उहाँले दाबी गर्नुभएको छ ।
उपन्यासमा थारु, मगर र खस तीनवटै जातिहरुलाई ऐतिहासिक बताइएको छ । भने चितवनलाई ७६ औं जिल्लाका रूपमा व्याख्या गरिएको छ ।
पत्रकार रमेश पौडेलले सहजीकरण गर्नुभएको कार्यक्रममा महिला अधिकारकर्मी एवं साहित्यकार सरिता तिवारीले कृतिको समिक्षा गर्नुभएको थियो । भने समिक्षामा उठेका प्रश्नको लेखक मोहनविक्रम सिंहले उत्तरित गर्नुभएको थियो ।
कार्यक्रममा विभिन्न लेखक तथा साहित्य स्रस्ताहरुको सहभागीता थियो ।