नेपाली कांग्रेसका प्रवक्ता एवं पूर्व अर्थमन्त्री डा. प्रकाश शरण महतले संविधान संशोधनको प्रक्रियालाई प्रमुख एजेन्डा बनाउनुपर्ने बताउनुभएको छ ।
भरतपुरमा नेपाली काँग्रेसको बुद्धिजीवी विभाग र डेमोक्रेटिक लयर्स एसोसिएसनले वर्तमान संविधान संशोधनबारे राखेको अन्तरक्रियालाई सम्बोधन गर्नुहुँदै डा. महतले सो कुरा बताउनुभएको हो ।
देशको सांगठनिक स्वरुप निर्माणसंगै सुशासन र बिकासमा कांग्रेसको भूमिका सराहनीय भएको बताउनुभयो । एक्लैले मात्र बहुमत आउन नसक्ने जिकिर गर्दै नेता महतले गठबन्धन गर्नु बाध्यात्मक परिस्थिती बनेको जिकिर गर्नुभयो ।
अबको ८४ मा कांग्रेस देशकै ठूलो शक्तिशाली पार्टी बन्ने दाबी गर्दै उहाँले बरु पार्टी अब सुध्रिन जरुर भएको बताउनुभयो । संविधान संशोधन र बिध्यकका विषयकमा आएका बिरोधाभाषलाई चिर्दै यसलाई शुद्धीकरण गर्न अन्य दलपनि सामेल हुनुपर्ने बताउनुभयो ।
आर्थिक संकटको बेलामा प्रदेश सरकार हितकारी बन्न नसकेको टिप्पणी गर्दै महतले संविधान संशोधन सहित हिन्दुराज्य स्थापनाका मुद्दालाई समेत कांग्रेसले प्रमुख एजेन्डा बनाएको बताउनुभयो ।