देवघाट गाउँपालिकाका अध्यक्ष तिलबहादुर थापाले क्रसर उद्योग गाउँपालिकामा प्रभावकारी बन्न नसकेको बताउनुभएको छ ।

देवघाट ५ तनहुँमा संचालित देवघाट स्केट पार्कको उद्घाटन गर्नुहुँदै थापाले सो कुरा बताउनुभएको हो ।

उहाँले त्रिशुली र सेती नदिमा भएको ढुङ्गा गिटी र बालुवा उत्खनन गर्न वातावरणिय अध्यनगरि टेण्डर खुलाउदापनि दक्षजनशक्तिको अभाव भएको बताउनुभयो ।

थापाले क्रसर उद्योग संचालनमा गाउँपालिकाले रोक नलगाएको तर अनुमती लिएको खण्डमा कुनै बाधा अड्चन नआउने बताउनुभयो ।

बिकास निर्माण र अन्य प्रशासनिक कामका लागि देवघाट गाउँपालिकामा प्रमुख प्रशासकीय अधिकृत नहुँदा समस्या भएको उल्लेख गर्नुभयो ।

निजि लगानीमा थुप्रै उद्योग व्यवसायहरु संचालन भएको जिकिर गर्दै थापाले व्यवसायीलाई प्रबर्द्धन गर्न गाउँपालिका प्रतिबद्ध बनेको उहाँको भनाइ थियो ।