भरतपुर महानगर पालिका वडा नं. १२ को आयोजना तथा पुष्पान्जली हस्पिटल प्रालि भरतपुर १० को प्राबिधिक सहयोगमा १ दिने शिविर सम्पन्न भएको छ ।
बाग्मति प्रदेशका पूर्व स्वास्थ्य मन्त्री तथा सभासद उत्तम जोशीको प्रमुख आतिथ्यता तथा विभिन्न पार्टी प्रतिनिधि समाज सेवीहरु वडा सदस्यहरु , डाक्टर र स्वास्थ्यकर्मीहरु, वडाभरिका सेवाग्राहीहरु माझ वरिष्ठ फिजिसियन तथा जनता संग अस्पतालका प्रवर्तक डाक्टर भोजराज अधिकारीले अस्पतालको सामाजिक उत्तरदायित्व र रोग लाग्न नदिन हरेकले आफ्नो जन्मदिनमा आरोग्य चेकअप गर्न वानी पार्नु पर्ने बताउनुभयो ।
डाक्टर र जनता संगको नाता गास्न आएको बताउनु भयो । बरिष्ठ स्त्री रोग विशेषज्ञ डा. रामप्रसाद सापकोटा, बालरोग विषेशज्ञ डा किरण देवकोटा फिजिसियन डा रिकेस सापकोटा सर्जन डा दिपेश कुमार कुशवाहा , नाक कान घाटी रोग विशेषज्ञ डा लाल बहादुर गुरुंग दन्तरोग विशेषज्ञ डा बिवेक घिमिरे , रेडियोलोजीष्ट डा नरेन्द्र दराई र डा ज्ञानेन्द्र तिमिल्सिना लगायत १६ जना डाक्टर र २० जना स्वास्थ्यकर्मि स्वयंसेविका लगायत पुरै वडा प्रतिनिधि खट्नु भएको शिविरको सभापतित्व वडाध्यक्ष लेखराज हरि पन्तले गर्नु भयो ।
शिविरमा फिजीसियनहरुले २०० जना , स्त्रीरोगको १२५ जना ,दन्तरोगको १०७ जना ,नाक कान घाटीका ५५ जना, सर्जरीका २१, हाडजोर्नी नशाका १९, बालरोगका २५ जना (सुगर )मधुमेह जाच ३०० जना सबै दोहोरो सेवाग्राहीको संख्या जोडदा १३५२ जना मा ४०० जनाले निशुल्क औषधि पाउनु भएको । पुष्पान्जली हस्पिटलका सामाजीक सेवा प्रमुख तथा कार्यक्रम प्रमुख केदार प्रसाद सुवेदीले जानकारी दिनुभयो ।