भरतपुर–१२ स्थित हाम्रोटोल टोल विकास संस्थाले श्री मेडिकल एण्ड टेक्निकल कलेजलो सेमिनार हलमा भव्य रूपमा सम्पन्न गरेको छ।
विपद् व्यवस्थापनप्रति समुदायमा चेतना अभिवृद्धि गर्ने उद्देश्यले आयोजित यो कार्यक्रमले स्थानीय बासिन्दाहरूको उल्लेखनीय सहभागिता र चासो पाएको छ ।
कार्यक्रममा आगलागी नियन्त्रणका उपाय, ग्यास र पेट्रोलबाट लाग्ने आगो निभाउने तरिका, तथा बाढी, डुबान, र पानीबाट हुन सक्ने जोखिमहरूबाट जोगिने उपायहरूबारे सैद्धान्तिक जानकारीका साथै व्यवहारिक अभ्यास गराइएको थियो।
सशस्त्र प्रहरी बल नेपाल, १७ नं गण, आँपटारी, चितवनको समन्वयमा आयोजित तालिममा प्रशिक्षकहरूले विभिन्न विपद् अवधिमा अपनाउनुपर्ने सावधानी, प्राथमिक उपचार, सुरक्षित स्थानमा पुग्ने तरिका, तथा उद्धार कार्यको चरणबद्ध अभ्यास प्रस्तुत गरेका थिए ।
कार्यक्रम मा वोल्दै पुर्व अध्यक्ष कृष्णप्रसाद न्यौपानेले भने “विपद् कहिले र कसरी आउँछ भन्ने अनुमान गर्न सकिँदैन। तर, यदि हामी तयार छौं भने हानी न्यूनीकरण गर्न सकिन्छ। यस्तो तालिमले नागरिकलाई आत्मनिर्भर बनाउनेछ।”
कार्यक्रममा एन्टिबायोटिकको प्रयोग र यसको असरको वारेमा श्री मेडिकल कलेजमा विफारमेसीको छैठौं सेमेस्टरमा अध्ययनरत विद्यार्थीले प्रकाश पारेका थिए।
तालिममा १२ वर्षभन्दा माथिका स्थानीयवासीहरूलाई लक्षित गरि खुला आह्वान गरिएको थियो, जसमा १०० भन्दा बढी सहभागीहरू थिए। सहभागीहरूले आगलागी हुँदा प्रयोग हुने आगो निभाउने यन्त्र (fire extinguisher) को सही तरिका, भान्छावाट हुने आगलागी नियन्त्रण, इलेक्ट्रिक सट सर्किट वाट हुने आगलागी नियन्त्रण जीवन रक्षाको प्राथमिक सीपहरू, र उद्धारका उपायहरू समेत अभ्यास गरेका थिए।
कार्यक्रममा वोल्दै हाम्रोटोल आमा समुहकि अध्यक्ष गंगा दवाडिले भनिन “पहिलोपटक यस्तो व्यवहारिक तालिममा सहभागी हुन पाउँदा निकै ज्ञानवर्धक अनुभव भयो। अब म मेरा परिवारलाई विपद्को बेला के गर्ने, के नगर्ने भनेर सजग गराउन सक्छु।”
कार्यक्रममा टोलवासी, टोल विकास संस्था, शसस्त्र प्रहरी गण, १७ नं. वाहिनि आपटाँरी तथा अन्य सरोकारवालाहरूको समेत उपस्थिति रहेको थियो।
कार्यक्रमको संयोजन “हाम्रोटोल टोल विकास संस्था, भरतपुर–१२, चितवन” ले गरेको थियो भने सबै तालिम निःशुल्क रूपमा प्रदान गरिएको थियो।
कार्यक्रमको अध्यक्षता संस्थाको अध्यक्ष रोहित बहादुर गुरुङ र कार्यक्रम संचालन सचिव ईश्वर चन्द्र पौड्याल गरेका थिए ।
यस कार्यक्रमले विपद् व्यवस्थापनमा समुदायको सक्रियता र सहभागिता बढाउने विश्वास आयोजकहरूले लिएका छन्।