चितवन राष्ट्रिय निकुञ्ज सडकलाई समेट्ने गरि कालोपत्रे निर्माणका लागि हुलाकी राजमार्ग निर्देशनालयले वातावरणिय प्रभाव मुल्यांकनका लागि प्रतिबेदन तयार गर्दैछ ।
आज चितवन राष्ट्रिय निकुञ्जको सभाहलमा माडी र जगतपुरका जनप्रतिनिधिबीच सम्भावित सडक निर्माणका लागि राय लिइएको हो ।
चितवन राष्ट्रिय निकुञ्जका प्रमुख वरिष्ठ वन संरक्षण अधिकृत डा. गणेश पन्त, माडी नगर उपप्रमुख खेम प्रसाद महतो भरतपुर २३ का वडाध्यक्ष दीपक दवाडी, भरतपुर २४ का वडाध्यक्ष रामबहादुर गोदार माडी १ का वडाध्यक्ष अमित कुमार लामा माडी २ का वडाध्यक्ष दण्डपाणी पौडेल र चितवन राष्ट्रिय निकुञ्ज माडी बगहीका सेक्रेटरी प्रमुख नारायण सापकोटा बासुको समेत उपस्थिति थियो ।
अधिकांश जनप्रतिनिधिको राय पुरानो बाटो ध्रुवघाटलाई प्रयोग गर्नुपर्ने बताएका थिए । आयोजनाको प्रस्तावित नाम रिउखोला बनकट्टा देउराली नयाँपुल ध्रुवघाट जगतपुर सडक खण्ड राखिएको छ ।
सडकको कुल लम्बाई ८.०९ किमि रहनेछ भने शुरुवाती बिन्दुको उचाई १८४ मिटर रहने जनाइएको छ । यसैगरी क्षेत्र अधिकार आवश्यक नभएको, फर्मेशन चौडाई १२ मिटर, गाडी गुड्ने चौडाई ७ मिटर, सोल्जर चौडाई २.५ मिटर दुबै तर्फ रहनेछ भने नालाको लम्बाई ११८.४ मिटर र अन्य योजना मापडण्डमा समाबेश गराइएको छ ।
हुलाकी राजमार्ग निर्देशनालयले सडक निर्माणका लागि हाल बाटोको इआइए गर्न लागेको हो ।