अयोध्यापुरी मध्यवर्ती उपभोक्ता समितिले जैविक विविधता संरक्षण तथा संस्थागत विकासमा योगदान पुर्याउनुभएका ३ जनालाई सम्मान गरेको छ ।

चितवन राष्ट्रिय निकुञ्ज मध्यवर्ती क्षेत्र अन्तरगतको अयोध्यापुरी मध्यवर्ती उपभोक्ता समितिले जैविक विविधता संरक्षण, मानव वन्यजन्तु द्धन्द व्यवस्थापन, दिगो जिविकोपार्जन, स्थानिय समुदायको क्षमता अभिवृद्धि तथा संस्थागत विकासको क्षेत्रमा योगदान पुर्याउनुभएका ३ जनालाई सम्मान गरेको हो ।

सम्मानित हुनेमा राष्ट्रिय प्रकृति संरक्षण कोष (NTNC) जैविवक विविधता संरक्षण केन्द्र साैराहाका कार्यक्रम संयोजक ऋषिराम सुवेदी, तराई भूपरिधी कार्यक्रम (TAL) का फिल्ड सुपरभाइजर युवराज घताने र ताल (TAL) का क्लस्टर इन्चार्ज प्रेम पौडेल रहनुभएकाे हाे ।

सम्मानित उहाँहरुलाई एक कार्यक्रमका बिच आइतबार बागमती प्रदेशका शिक्षा, स्वास्थ्य तथा कृषि समिति सभापति ठाकुर प्रसाद ढकाल र माडी नगरपालिकाको नगर प्रमुख ताराकुमारी काजि महतोले सम्मान पत्र प्रदान गर्नुभएकाे थियाे । उक्त कार्यक्रममा बागमती प्रदेशका वन तथा वातावरण मन्त्री कृष्ण सिलवालको प्रमुख आतिथ्य रहेको थियो । #PRD820413