आज विश्व बाघ दिवस नेपालमा पनि विविध कार्यक्रम गरि मनाइएको छ ।
पाटेबाघ संरक्षणको महत्त्वबारे जनचेतना फैलाउने उद्देश्यले हरेक वर्ष जुलाई २९ मा विश्व बाघ दिवस मनाउने गरिन्छ । यसै अबसरमा चितवन राष्ट्रिय निकुञ्जले समेत हरेक बर्ष बाघ दिवस मनाउदै आएको छ ।

वन तथा वातावरण मन्त्रालयका सचिव डा. राजेन्द्र प्रसाद मिश्रको प्रमुख आतिथ्यतामा बाघ दिवस मनाइएको हो ।

कार्यक्रममा बोल्नुहुँदै मिश्रले अझैपनि बाघको संरक्षणमा थप चुनौती देखिएको बताउनुभयो । उहाँले बाघ बिस्तारै लोप हुँदै गएकोप्रति चिन्ता व्यक्त गर्नुभयो । चोरी शिकारी तथा पैठारीलाई नियन्त्रण गर्न सकिएको खण्डमा मात्र जनावरको संरक्षण हुन सक्ने धारणा राख्नुभयो । वन ऐन संशोधनका लागि समेत गृहकार्य भइरहेको मिश्रले जिकिर गर्नुभयो ।

बाघलाई मार्न र बेचबिखन गर्न नपाइने कानूनी प्रावधान छ । तसर्थ समस्याग्रस्त यस्ता बाघको व्यवस्थापनका लागि ‘टाइगर जु’ स्थापना गर्नुपर्ने, उहाँको सुझाव थियो ।

कार्यक्रममा चितवनका विभिन्न पालिकाका जनप्रतिनिधि सहित चितवन राष्ट्रिय निकुञ्जका वरिष्ठ संरक्षण अधिकृत गणेश पन्त, प्रमुख जिल्ला अधिकारी प्रकाश पौडेल लगायतको उपस्थिति थियो ।