भरतपुरस्थित एटुजेड समाचार डटकमले आयोजना गरेको महिला पत्रकार एवं सञ्चारकर्मीबीच ‘तेस्रो तीज विशेष आर्टिकल लेखन प्रतियोगिता’मा कल्पना आचार्य प्रथम हुनुभएको छ ।

यसैगरी दोस्रो स्थान हासिल गर्न करुणा देवकोटा सफल हुनुभएको छ । तेस्रो स्थानमा दिप्ती बिश्वर्कमा र सान्त्वना स्थान सिन्धु ढकालले हासिल गर्नुभएको हो ।

एटुजेड समाचारले आयोजना गरेको उक्त प्रतियोगितामा “हरितालिका तीज : पर्व कि प्रदर्शन ?” शीर्षकमा आर्टिकल लेखनका लागि साउन २५ देखी भाद्र ४ गतेसम्म समय दिइएको थियो ।

आर्टिकल लेखन प्रतियोगितामा प्रथम हुनेलाई ५० हजार, द्वितीयलाई २५ हजार, तृतीयलाई १५ हजार र सान्त्वना प्राप्त गर्नेलाई १० हजार रुपैयाँ पुरस्कार र प्रमाण पत्रको व्यवस्था गरिएको थियो ।