माडी नगरापालिका र भरतपुर महानगरपालिका बिच भगिनि सम्बन्ध कायम भएको छ । शुक्रबार माडी भिलेज रिसोर्टमा भएको एक कार्यक्रमका बिच महानगर प्रमुख रेणु दाहाल र माडीको नगरप्रमुख ताराकुमारी काजी महतोबिच भगिनि सम्बन्ध कायम गर्ने विषयमा १० बुँदे समझदारी पत्रमा हस्ताक्षर भएको हो ।
माडी नगरापालिका र भरतपुर महानगरपालिका बिच भगिनि सम्बन्ध कायम गर्न भएका १० बुँदे सम्झौताहरु:
१. भरतपुर महानगरपालिका र माडी नगरपालिकामा रहेका मुख्य धार्मिक तथा पर्यटकिय स्थलहरुको महत्व र विशेषताका आधारमा दुवै स्थानिय तहबाट प्रचारप्रचार गरिने
२. भरतपुर महानगरपालिका र माडी नगरपालिकामा उत्पादित मौलिक कृषि उपजहरुलाई एक आपसमा बजारीकरण गर्न सहयोग गर्ने
३. दुवै स्थानिय तहले कृषि र पशुपालनका क्षेत्रमा अपनाएका नयाँ प्रविधि, ज्ञान, सीपको सिको गर्दै कृषकहरुलाई विभिन्न तालिम तथा भ्रमण लगायतका कार्यक्रमहरु सञ्चालन गर्ने
४. दुवै स्थानिय तहले उद्यमशिलतामा वृद्धि गरी आय आर्जनलाई प्रभावकारी बनाउन संयुक्त उद्धमशीलताको विकास गर्ने
५. शिक्षाको क्षेत्रलाई समय सापेक्ष बनाउनको लागि दुवै स्थानीय तहका विधालयको अनुगमन तथा प्राविधिक शिक्षाको सञ्चालन, प्रबद्र्धन र विकास गरिने
६. दुवै स्थानिय तहले विकासका आफ्ना सफल अभ्यासहरुबाट प्राप्त सिकाइको आदान–प्रदान गरी सफल अभ्यासहरुको अबलम्बन गर्नका लागि प्राविधिक सहयोग आदान प्रदान गरिने
७. विशिष्ट विकास आयोजनाको सञ्चालन तथा कार्यान्वयन गर्नका लागि दुवै स्थानियबाट संयुक्त रुपमा मिलेर तथा आपसी सहयोग आदान–प्रदान गरी सञ्चालन गर्ने कार्यमा सहयोग प्रदान गरिने
८. दमकल र एम्बुलेन्स सेवाको सञ्चालन तथा बस्ती विकासका लागि भू–उपयोग योजना तर्जुमा गरिने
९. गुणस्तरीय स्वास्थ्य सेवा उपलब्ध गराउनका लागि दुवै स्थानीय तहले आवश्यक सहयोग आदान–प्रदान गरिने
१०. दुवै पालिकाको संयुक्त लागत साझेदारीमा पर्यटन प्रवद्र्धनमा सहयोग पुग्ने खाताका परियोजना संचालन गरिने ।
स्थानिय सरकारले विदेशी स्थानीय सरकारसंग भगिनि सम्बन्ध बनाउन थालेको करिब अढाइ दशकभन्दा बढि भएको छ । त्यस्तै, पछिल्लो समय देशका पालिकाहरुबिच पनि भगिनि सम्बन्ध कायम हुन थालेको छ । झण्डै दुई दर्जन बढी स्थानीय तहबीच भगिनि सम्बन्ध कायम भैसकेको छ । #PRD801026