माडीको बसन्तपुरमा आउँदो बैशाख १३ गतेबाट प्रथम माडी साँस्कृतिक तथा पर्यटन उत्सव २०८१ सञ्चालन हुने भएको छ ।
माडीको बसन्तपुरस्थित जक्सन क्याफे एण्ड रेष्ट्रोमा आज एक पत्रकार सम्मेलन गरि सो कार्यक्रमको जानकारी दिइएको हो । माडी कला केन्द«को आयोजनामा सञ्चालन हुने माडी साँस्कृतिक तथा पर्यटन उत्सव बसन्तपुरस्थित खुला चौरमा बैशाख २१ गतेसम्म सञ्चालन हुनेछ ।
माडी नगरपालिका भएका धार्मिक, प्राकृतिक तथा ऐतिहासिक पर्यटकिय क्षेत्रहरुको उजागार तथा माडीको पर्यापर्यटन स्थलहरुको प्रचारप्रसार गरि माडीमा आन्तरीक तथा बाह्य पर्यटकहरुलाई भित्राउन साथै माडीभित्र सञ्चालित होमस्टे तथा होटलहरुको प्रवद्र्धन गर्ने हेतुले सो उत्सव आयोजना गरिएको मेला मुल आयोजक समितिका संयोजक पदम विलास पन्तले जनाउनुभयो । त्यस्तै उत्सवबाट प्राप्त आम्दानीको केहि प्रतिशत खेलकुद तथा अन्य क्षेत्रमा समेत सहयोग गर्ने उहाँले बताउनुभयो ।
उत्सवमा माडीको विभिन्न समुदायिक एवं साँस्कृतिक पहिचान झल्किने गरि स्टलहरु सहित १०० बढि स्टलहरु राखिने, माडीको स्थानिय स्टलहरुलाई २५ प्रतिशत छुट दिने साथै माडीका विभिन्न पर्यटकिय स्थलहरु घुम्न चाहने दर्शकहरुलाई सफारीको व्यवस्था समेत गरिने आयोजकले जनाएको छ ।
उत्सव अवलोकनको लागि विधार्थीरुको लागि टिकट शुल्क रु. ५०, अन्यलाई रु. ८० र वृद्धवृद्धाहरुलाई निशुल्क गरिएको आयोजकले जनाएको छ । उत्सवमा माडीका स्थानिय एवं राष्ट्रिय कलाकारहरुको प्रस्तुति रहनेछ । #PRD801227 #MadiCulturalUtsav