चितवन राष्ट्रिय निकुञ्ज भित्रकाे भुमिगत लाइनमा समस्या पैदा हुँदा सिंगाे माडी नगरपालिका नै अन्धकारमय हुन पुगेकाे छ ।
साेमबार रातिबाट अवरूद्द भएकाे बिजुली मंगलबार साँझ सुचारू भएपनि पुन: अवरूद्द भएकाे हाे । त्यस्तै, आज बुधबार राति ९:५० सम्म पनि विजुलि सुचारू हुन सकेकाे छैन ।
विधुत अवरूद्द हुँदा माडी नगरपालिका भित्र सञ्चालित सबैखाले पसल व्यवसाय, बैंक तथा वित्तिय संस्था, उपभाेक्ता साथै अस्पतालका सेवाहरू समेत प्रभावित बन्न पुगेका छन् । त्यस्तै इन्टरनेट र नेपाल टेलिकमकाे नेटवर्कमा समेत समस्या आएकाे छ ।
माडी नगरपालिकाकाे सबस्टेसनसम्म विधुत ल्याउने एकमात्र चितवन राष्ट्रिय निकुञ्जकाे करिब ८ किलोमिटर भुमिगत(जमिनमुनि) लाईनमा प्रत्येकवर्ष जसाे समस्या आउने गर्दा सिंगाे माडी नै प्रभावित बन्न पुगेकाे छ ।
चितवन राष्ट्रिय निकुञ्जभित्र बैकल्पिक केबुल बिछ्याउने विषयमा विभिन्न प्रकृयाका प्रचारबाजी भएपनि भाैतिक रूपले कुनै काम भने हुन सकेकाे छैन । #PRD810105