निकुञ्ज भित्र बैकल्पिक भुमिगत केबुल विछ्याउन पूरक इ.आइ.ए स्विकृतीको लागि राष्ट्रिय निकुञ्ज तथा वन्यजन्तु संरक्षण विभागले राय सुझाव सहित वन तथा वातावरण मन्त्रालय, वातावरण तथा जैविक विविधता महाशाखालाई पत्राचार गरेको छ ।
चितवन राष्ट्रिय निकुञ्ज भित्र भुमिगत केबुल बिछ्याउँदा खोल्सा, खोल्सी पार गर्नुपर्ने, निमार्णको चरणमा कामदार वा आयोजनाका कर्मचारीमाथि वन्यजन्तुको आक्रमण हुनसक्ने भएकोले सो जिम्मा आयोजना आँफैले लिनुपर्ने, भुमिगत केबुलमा बिजुली सर्ट भइ वन्यजन्तुलाई असर पर्नसक्ने, रुखहरु काट्नुपर्ने र राष्ट्रिय निकुञ्ज तथा वन्यजन्तु संरक्षण ऐन २०२९ मा व्यवस्था भए बमोजिमले प्रतिवेदन तयार भए नभएको एकिन गरि स्विकृत गर्नुपर्ने भएकोले सो सम्बन्धी समाधान र रायसुझाव सहित विभागले मन्त्रालयलाई पत्राचार गरेको छ ।
माडीबाट गएकाे एक प्रतिनिधि मण्डलसंग गत बैशाख ७ गते भेट गर्दै प्रधानमन्त्री पुष्पकमल दाहाल प्रचण्डले एक साताभित्र पुरक ई.आइ.ए सहमति पत्र दिन वन मन्त्रालयलाई बैठकबाटै निर्देशन दिनुभएकाे थियाे ।
त्यसैकाे फलाेअप गर्न माडीबाट काठमाडौं पुगेकाे नगरप्रमुख सहितकाे टाेलिले लिखित पत्र प्राप्त गरेपछि मात्रै माडी फर्किएकाे हाे । #PRD810112