प्रधानमन्त्री पुष्पकमल दाहाल प्रचण्डले चितवन राष्ट्रिय निकुञ्ज भित्रकाे सडकलाई धुलाेरहित बनाउन अध्यादेशमार्फत आवश्यक ऐन संसाेधन गरिएकाे बताउनुभएकाे छ ।

आज विहान चितवनको नारायणगढस्थित नारायणी नदी किनारमा नेपालकै पहिलो सिग्नेचर पुलको शिलान्यास कार्यक्रममा बाेल्दै प्रचण्डले साे कुरा बताउनुभएकाे हाे ।

साथै, आगामी आर्थिक वर्षमा माडी-भरतपुर गर्दा पार गर्नुपर्ने चितवन राष्ट्रिय निकुञ्ज भित्रकाे सडकखण्डलाई धुलाेरहित बनाउन बजेटमै व्यवस्था गरिने समेत उहाँले बताउनुभयाे ।

माडी क्षेत्रका पुर्व साँसद समेत रहनुभएका प्रधानमन्त्री प्रचण्डले निकुञ्जमा आकाशे पुल बनाउने आश्वासन दिनुभएपनि भाैतिक रूपले हालसम्म कुनै काम भने हुन सकेकाे छैन ।