सेन्ट्रल कलेजको १६ औं वार्षिकोत्सवका अबसरमा सेन्ट्रल टावरको उद्घाटन

पारदर्शी संवाददाता

शुक्रबार, साउन २५, २०८१ मा प्रकाशित

सेन्ट्रल कलेज अफ भोकेशनल ट्रेनिङ प्रालिले आफ्नो १६ औँ वार्षिकोत्सवका अबसरमा सेन्ट्रल टावरको आज उद्घाटन गरिएको छ ।

सेन्ट्रल कलेजका प्रीन्सिपल यज्ञबिलास पौडेल (वाइबी)को प्रमुख आतिथ्यतामा एक कार्यक्रमकाबीच टावरको उद्घाटन गरिएको हो ।

वार्षिकोत्सवको अवसरमा रक्तदान कार्यक्रम सहित चितवन, नवलपुर लगायतका जिल्लाका खेलाडीहरुलाई खेलकुद सामाग्री समेत बितरण गरिएको छ । त्रिभुवन विश्वविद्यालयबाट सम्बन्धन प्राप्त सेन्ट्रल मोडल कलेजले बिएचएम र बिआइएम पढाउँदै आइरहेको छ ।

भरतपुर ओरालोस्थित सेन्ट्रल टावरमा शुक्रवार बिहान ७ बजेदेखि भएको रक्तदान कार्यक्रममा झन्डै १०० जनाले रक्तदान गरेको कलेजका प्रिन्सिपल यज्ञविलास पौडेल (वाईबी)ले जानकारी दिनुभयो ।

रक्तदान कार्यक्रम, सेन्ट्रल टावर र सेन्ट्रल मोडल कलेजको पौडेल आफैले उद्घाटन गर्नुभएको थियो । सेन्ट्रल कलेजले उच्च शिक्षाको लागि विदेश जान चाहने विद्यार्थीलाई शैक्षिक परामर्श दिँदै आएको छ । नेपालमै पनि उच्च शिक्षा पढाउने गरी सेन्ट्रल ग्रुपले सेन्ट्रल मोडल कलेज स्थापना गरेको हो ।

बिएचएम र बिआईएम पढेपछि नेपालमै जागिर पाइने र आफ्नै व्यवसाय सुरु गर्न पनि सकिने उहाँले बताउनुभयो । बिएचएममा ६६ सिट र बिआईएममा ६६ सिटमा विद्यार्थी भर्ना गर्नको लागि सेन्ट्रल मोडल कलेजले स्वीकृति पाएको छ । सेन्ट्रल ग्रुपले स्नातकोत्तरसम्म पढाउनेगरी विद्यालय कलेज नै स्थापना गर्ने योजना समेत बनाएको पौडेलले उद्घोष गर्नुभयो ।

वार्षिकोत्सवको अवसरमा क्रिकेट, फुटवल र भलिबल खेलसँग सम्बन्धित विभिन्न क्लबहरुलाई खेल सामाग्री वितरण गरिनुका साथै सांस्कृतिक कार्यक्रम, सेन्ट्रल कलेज सम्बन्धि म्युजिक भिडियो प्रिमियर शो र सामाजिक संघसंस्थालाई सम्मान समेत गरिएको थियो ।

सांस्कृतिक कार्यक्रममा चर्चित कलाकार पशुपति शर्मा, नेपाल आइडल सिजन ५ का विजेता करन परियार र कमेडि च्याम्पियन सुनिल खड्का र स्थानीय कलाकार सञ्जय देवकोटा लगायतको प्रस्तुती रहेको थियो ।

शुक्रबार, साउन २५, २०८१ मा प्रकाशित

भर्खरै

घटस्थापनादेखि आजसम्म पाँच लाख ७६ हजारभन्दा बढीले छाडे काठमाडौँ उपत्यका

नवरात्रको अन्तिम दिन आज महानवमी,नवदुर्गा भगवतीको विशेष पूजाआराधना गरिदैं

नवरात्रको आठौँ दिन : महागौरी देवीको पूजा आराधना गरिँदै

पोल्याण्डमा बालबालिकाका लागि दशैं विशेष कार्यक्रम २०२६ आयोजना हुँदै

चाडपर्वले राष्ट्रिय एकता, सद्भाव र सांस्कृतिक पहिचान बलियो बनाउँछ : चन्दना कोइराला

सिद्धान्त गर्जामगरको दसैँ, तिहार, नेपाल सम्वत् र छठको शुभकामना

चितवनका चर्चित होटल व्यवसायी लोकनाथ भट्ट (कृष्ण)द्वारा दशैं तिहारको शुभकामना

डीएसपी भट्टलाई नेपाल प्रहरीको ‘सर्वोत्कृष्ट अनुसन्धानकर्ता’ पुरस्कार

माडीका वरिष्ठ स्वास्थ्यकर्मी गोविन्द प्रसाद नेपालको शुभकामना : चाडपर्वले सुख, शान्ति र समृद्धि ल्याओस्

लोकप्रिय समाचार