श्रीराधाकृष्ण मन्दिर शिवघाटको आयोजनामा श्रीमद्भागवत सप्ताह ज्ञानमहायज्ञ हुने भएको छ ।
नेपालकै मध्यभागमा अवस्थित नारायणीतट शिवघाटमा रहेको श्रीराधाकृष्ण मन्दिरको स्तरोन्नतिका लागि यही कार्त्तिक ४ गतेदेखि ११ गतेसम्म धार्मिक ज्ञानमहायज्ञ हुन लागेको हो ।
वेदान्ताचार्य एवं पूर्व प्राचार्य पूज्यश्री हरिशरण उपाध्याय श्रीधाम वृन्दावनका परमतपस्वी सन्तश्री भागवतशरण महाराज ज्यूको मुखारविन्दबाट कथा वाचन गर्न लागिएको आयोजकले जनाएको छ ।
बि.स. २०१९ सालदेखि चितवनको धरोहरको रूपमा इतिहास बोकेको सो स्थानको गौरव “श्रीराधाकृष्ण मन्दिर” को विकास र प्रबर्द्धनको लागि कार्यक्रम आयोजना गर्न लागिएको हो ।
कात्तिक ४ गते उक्त धार्मिक कार्यक्रमको उद्घाटन सहित बिहान ७ बजेदेखि ८ बजेसम्म मण्डप पुजन, ८ बजेपछि पाठपारायण र कथा वाचन हुनेछ । क्रमशः कात्तिक ८ देखि ११ गतेसम्म बिधिवत रूपमा नृत्य पुजा, हवन कुण्ड, लक्ष्यवर्ती प्रज्ज्वलन समेत गरिने राधाकृष्ण मन्दिरका संरक्षक पण्डित लक्ष्मीशरण अर्यालले बताउनुभयो ।