माडी नगरपालिका रोजगार शाखाबाट चालु आर्थिक वर्षको हालसम्म ४ जनाले मात्रै श्रम स्विकृति सेवा लिएका छन् ।

नगरपालिकाको रोजगार शाखाबाट वैदेशिक रोजगारीमा जानेहरुलाई श्रम स्विकृति सेवा प्रदान हुने भएपनि कतिपयलाई यसबारे जानकारी कम हुँदा अपेक्षाभन्दा न्युन संख्यामा श्रम स्विकृति सेवा लिएका हुन् । गत आर्थिक वर्ष वर्षमा ५३ जनाले श्रम स्विृति सेवा लिएको रोजगार संयोजक यमुना ढकालले बताउनुभयो ।

माडी नगरपालिका रोजगार शाखाबाट प्रधानमन्त्रि रोजगार कार्यक्रम अन्तर्गतको सेवा, वैदेशिक रोजगार छात्रवृत्ति, वैदेशिक रोजगारीमा जानेहरुलाई श्रम स्किृति सेवा र श्रम स्विकृति लिइ बैदेशिक रोजगारमा गई तोकिएको अवधि भित्र मृत्यु, अंगभंग वा बिरामी भएमा आर्थिक सहायता र बैदेशिक रोजगार बोर्डको कल्याणकारी कोषबाट शत प्रतिशत आर्थिक सहायता प्राप्त गरेका कामदारहका सन्ततीलाई बैदेशिक रोजगार सन्तती छात्रवृत्तिको लागि सहजीकरणको काम हुने गरेको छ । यस बारेमा थप जानकारी लिन नगरपालिकाको शिक्षा शाखा र रोजगार शाखामा समेत बुझ्न सकिनेछ ।

नेपाल सरकारले बैदेशिक रोजगार व्यवसायलाई प्रवर्द्धन गर्न, सो व्यवसायलाई सुरक्षित, व्यवस्थित र मर्यादित बनाउन तथा बैदेशिक रोजगारमा जाने कामदार र वैदेशिक रोजगार व्यवसायीको हकहीत संरक्षण कार्य गर्ने प्रयोजनको लागि बैदेशिक रोजगार बोर्डको व्यवस्था गरेको हो ।