चाडपर्वको समयमा चितवन राष्ट्रिय निकुञ्ज भित्रको सडकखण्ड मर्मत भएसंगै भरतपुर माडी यात्रा सहज भएको छ ।

माडी नगरपालिकाको पहलमा सडक डिभिजन कार्यालय भरतपुरले निकुञ्ज भित्रको सडकखण्ड ग्राबेल गरि रोलरले सम्याएसंगै वर्षाले खाल्डाखुल्डी परेको सडक अहिले समथर र सहजपुर्ण बनेको छ ।

दशैं, तिहार लगायत चाडपर्वको समयमा माडी भित्रीने र माडीबाट बाहिर जाने यात्रुहरु विशेषगरि स्कुटर, मोटरसाइकल अटो लगायतका साधनहरु निकुञ्जभित्रको बाटोमा सहजपुर्ण यात्रा गर्न पाउँदा प्रफुल्लित बनेका छन् ।

त्यस्तै, उक्त सडकखण्डको दायाँ बायाँ दुबैतर्फ १० मिटरसम्म झाडी तथा बुट्यानहरु फालेर सफाइ गरिएको छ भने माडीको बगहीदेखि अमुवा पोष्ट सम्मको सडकखण्ड समेत गरिएको जनाइएको छ ।