विपद उद्दारका सामाग्रीहरू माग गरेकाे महिनाै बित्दा समेत माडी नगरपालिकाले उपलब्ध नगराएकाे इलाका प्रहरी कार्यालय माडीले गुनासाे गरेकाे छ ।
वर्षायाम सुरूहुनु अगावै माडी नगरपालिकाले आव्हान गरेकाे विपद उद्दार तयारी सम्बन्धि एक बैठकमा विपदकाे समयमा आवश्यक पर्ने स्ट्रेचर, लाइफ ज्याकेट लगायतका सामाग्रिहरू माग गर्दा समेत हालसम्म पनि उपलब्ध नगराउँदा विपदमा उद्दार कार्य प्रभावित बनेकाे इलाका प्रहरी कार्यालय माडीका प्रहरी प्रमुख केदारमान दाेङले पारदर्शी अनलाइनलाई बताउनुभयाे ।
विहीबार माडीकाे बैकुण्ठ तालमा चिप्लिएर निधन भएका एक पुरूषकाे शब बाेक्ने क्रममा भाँचिएकाे र च्यात्तिएको स्ट्रेचर किन प्रयाेग भयाे ? भन्ने स्थानीयकाे गुनासाेकाे जवाफ दिंदै उहाँले हाल माडीकाे प्रहरीसंग एकमात्र उक्त स्ट्रेचर प्रयाेगमा रहेकाे बताउनुभयाे ।
स्ट्रेचर शब बाेक्ने क्रममा बिच बाटाेमै भाँचिएपछि रूखकाे हाँगा काटेर सल र डाेरीले बाँधेर स्ट्रेचरकाे डण्डि बनाइएकाे थियाे ।