चितवनको पवित्र भुमि देवघाटमा श्री निम्बार्क वैष्णव द्वितीय राष्ट्रिय महासम्मेलन २०८१ हुने भएको छ ।

यही मंसिर ५ गतेदेखि सुरु हुने महासम्मेलन ८ गतेसम्म अर्थात् ४ दिनसम्म संचालन हुनेछ । हिन्दुधर्मको संरक्षणका लागि वैष्णव साम्प्रदायिक समुदायको योगदान र महत्वलाई दर्शाउन महासम्मेलन गर्न लागिएको आयोजकले जनाएको छ ।

प्राचीन समयदेखि निम्बार्क सम्प्रादायको महत्वकारी भूमिका भागवतमा समेत उल्लेख गरिएको आचार्य हरिशरण उपाध्याय पौडेलले जानकारी दिनुभयो । झन्डै ५० लाख रुपैयाँको लागतमा हुन लागेको कार्यक्रममा संकलित रकमले देवघाटमा विभिन्न मठमन्दिर निर्माण गरिने आयोजकले जनाएको छ ।

कार्यक्रममा प्रबचन, कथा बाचन, आरती र सङ्किर्तन लगायतका पुजाबिधिहरु हुनेछन् । भने दशहजार भन्दाबढी भक्तजनको सम्मेलनमा सहभागीता रहने अपेक्षा गरिएको छ ।