माडी नगरपालिकाले यसवर्ष धानकाे उत्पादकत्व वृद्धि मा चितवनका अन्य सबै पालिकालाइ उछिनेकाे छ ।
कृषि विकास कार्यालय चितवनका अनुसार यसवर्ष माडी नगरपालिकाको धानको उत्पादकत्व प्रतिहेक्टर ४.९६ मेट्रिक टन रहेकाे छ जुन चितवनका अन्य पालिकाकाे भन्दा बढि हाे । त्यस्तै, कालिका नगरपालिकाको धानको उत्पादकत्व प्रतिहेक्टर ४.८७ रहेको छ । खैरहनीको ४.०२, भरतपुर महानगरपालिकाको ३.८१, रत्ननगर नगरपालिकाको ३.६१ रहेको छ भने राप्तीको यसवर्षको धानको उत्पादकत्व प्रतिहेक्टर ३.४४ मेट्रिक टन रहेको कृषि विकास कार्यालय चितवनले जनाएको छ । राप्ती नगरपालिकामा यसवर्ष धानको उत्पादकत्व सबैभन्दा कम छ ।
चितवनको ३० हेक्टरमा रहेको धानलाई गत असोजमा आएको बाढीले क्षति गरेको कृषि विकास कार्यालयले विवरणमा उल्लेख छ । उत्पादन र उत्पादकत्व घट्नुको मुख्य कारण रोगकिराको प्रकोप नै रहेकाे विज्ञहरू बताउँछन् । त्यसपछि बाढी, हावाहुरी, पर्याप्त मलको अभाव, गुणस्तरीय बीउबिजन नहुनु लगायत रहेकाे छ ।
रोगकिराको प्रकोप कम र गुणस्तरीय मल, बीउको प्रयोग लगायतका कारण माडीको उत्पादकत्व अन्य पालिकाको तुलनामा बढी भएको कार्यालयका योजना शाखा प्रमुख तथा कृषि अर्थ विज्ञ निर्मल पौडेलले बताउनुभयाे ।
कृषि विकास कार्यालयले बाली कटानी ‘क्रप कटिङ’ माध्यमबाट उत्पादन र उत्पादकत्व निकालेको थियो ।