भरतपुर महानगरपालिकाले चौबीसकोठीमा आजदेखि निशुल्क घुम्ती शौचालय राखेको छ ।

वातावरणको संरक्षण र सम्बर्द्धन गर्ने हेतुले चौबीसकोठीमा निशुल्क घुम्ती शौचालय राखेको हो । भरतपुर महानगर प्रमुख रेनु दाहालको निर्देशनमा घुम्ती शौचालय सहित टोलटोलमा सरसफाइ अभियान र पार्किङको व्यवस्थामा जोड दिइएको छ ।

शुन्दर स्वच्छ र सफा महानगरको नीति अनुरुप सो कार्यक्रम अभियानकै रूपमा निरन्तर रहने भरतपुर महानगरका उप निर्देशक एवं वातावरण तथा बिपद महाशाखाका प्रमुख बिशुराम कुँवरले जानकारी दिनुभयो ।

सरसफाइ अभियान सहित थालनी गरिएको घुम्ती शौचालय अभियानमा भरतपुर महानगरका वातावरण शाखाका प्रमुख सहित महानगरका वरिष्ठ प्रहरी हवल्दार राजु गौतम, सरसफाइकर्मी र विभिन्न सामाजिक व्यक्तित्वहरुको सहभागीता थियो ।