योग प्रशिक्षक कृतिका ढकालले योग शारीरिक मानसिक र आध्यात्मिक अभ्यास वा अनुशासनको एक समूह भएको बताउनु भएको छ ।
पारदर्शी अनलाइन डटकमसंग संक्षिप्त कुराकानी गर्नुहुँदै उहाँले आजको युगमा योगको महत्त्व बढ्दै गएको बताउनुभयो । स्वस्थ मानिसको चिनारी निरोगी मात्र नभएको उल्लेख गर्दै ढकालले मानिस स्वस्थ रहन शारीरिक, मानसिक र सामाजिक अवस्थामा पनि स्वस्थ बन्नुपर्ने बताउनुभयो ।
शारीरिक, मानसिक र सामाजिक हिसाबले स्वस्थ बनाउने एक उपाय भनेको योग र ध्यान नै हो । योगका कारण शारीरिक, मानसिक अवस्था निर्मल रहने हुँदा यही शारीरिक, मानसिक अवस्था राम्रो भएको खण्डमा मानिस समाजमा आफ्नो अस्तित्वको पहिचान दिन सक्छ ।
योग पूर्वीय दर्शनसंग सम्बन्धित रहेको जिकिर गर्दै ढकालले योग गरेर स्वास्थ्य लाभलिन समेत सबैमा आह्वान गर्नुभयो ।
हालैमात्र भरतपुरमा संचालित सोहम योगा होम संचालन समेत गर्दै आउनुभएकी योग प्रशिक्षक ढकालले हालसम्म सय जना योगका लागि भर्ना भएको जानकारी दिनुभयो ।
मानिसको खानपान र जीवनशैलीकै कारण दिनानुदिन मानिसहरु रोगबाट प्रताडित बनेको बताउनुभयो । योगका कारण विचार स्वच्छ हुनुका साथै विचार स्वच्छ भएमा हाम्रो मानसिक अवस्था स्वस्थ हुने उहाँको बुझाई थियो ।